Kubiikula 14:10 - Bbaibbuli y'oLugwere

¹⁰ oKibbumba yalimubonereza nʼobukambwe. Yaligada ngʼanywa ekikopo ekibasukiremu ondiko owʼobusungu bwa Kibbumba nʼobukambwe bwonabwona. Era balimugadya nʼomusyo ogwoca eino omumaiso agʼabamalaika abatukulye, nʼaga Ntaama oMutomuto wa Kibbumba.

Kubiikula 14:10 ပူးပေါင်းရင်းမြစ်များ

ENtandiika 19:24

Awo oMusengwa nʼatoonyesya oku Sodoma nʼoku Gomola omusyo nʼobuganga bwa mabbaale ebyoca eino nga bizwa omwigulu.

EZabbuli 11:6

Ababbibabbi yabamagalicaaku amakala gʼomusyo nʼomusyo gwa salufa, nʼempewo yʼeibbugumu eribitiriri niibyo ebyabba omugabo gwabwe.

EZabbuli 37:34

Weesigenge oMusengwa, era ogonderenge ebiragirobye. Yalikugulumalya, nʼosikira ekyalo. Era walibona ababbibabbi nga babajigirica.

EZabbuli 52:6

Abantu abatuukirirye balibona ni batya. Balikusekerera ni bakoba bati,

EZabbuli 60:3

Olekere abantubo ni bagada ino, tugagaituka ooti bateemeere.

EZabbuli 73:10

Kagira abantu ba Kibbumba bagalukira egibali, ni baikirirya nabuli kibakoba.

EZabbuli 75:8

OMusengwa akwaite ekikopo ekiizwire enviinyo egifuukira ogyʼobusungubwe. Agusukira ababbibabbi bonabona oku kyalo ni bagunywa, ni bagumalirawo nakimo.

EZabbuli 91:8

Waliringirira-bulingiriri nʼobona nʼagago ekibonerezo kyʼomubbimubbi.

Matayo 20:22

Neye oYesu nʼakoba abaganda abo ati, “Ekimusaba timukimaite. Mwezya okunywa oku kipimo kyokugada ekinjaba okunywa?” Ni bamwiramu bati, “Twezya.”

Matayo 25:41

“Awo yalikoba abo abalibba oku lubbaalwe olwʼengalo engooda ati, ‘Muzwe e gyendi inywe oKibbumba abeyalaamire. Era mwabe omu musyo ogutalikira, eira ogubategekeire oSitaani nʼabamalaikabe.

Matayo 26:39

Oweyeeyongeireyo katono omumaiso, nʼagwa oku mazwige era nʼafuunama nʼaica empumi ansi okwitakali, kaisi ni yeegairira oKibbumba ati, “Bbaabba, owekibba ekyetaagisya kiti nteekwa okubita omu kipimo ekyokugada okwo, kale kibbe ngʼowootaka.”

Maako 8:38

Buli ankwatira nze era nʼebibono byange ensoni omu bantu bʼomulembe gunu abazwazwa oku Kibbumba era abakola ebibbibibbi, oMwana wa Muntu yena yalimukwatira ensoni oweyaliizira omu kitiisya kya Iteeye, ngʼali nʼabamalaika abatukulye.”

Maako 9:44

omuli omusyo ogutalikira, era omutawa nʼokuvunda].”

Bikole 10:22

Ibo ni bamwiramu bati, “Tuzwereire wa Koloneeryo, aduumira ekibinja kyʼabaisirikale 100, omusaiza atuukiriire, era atya oKibbumba, era aBayudaaya bangi ogubawa ekitiisya. Omalaika omutukulye owa Kibbumba yamubonekeire, nʼamukoba akwete oyabe e wuwe awulireku ebyokoba.”

AMateeka 29:23

Ekyalo ekyo kyonakyona yalikyoca nʼocumbi nʼosalufa ni kiya, ni kisuuka bunyonta na ikoke. Kyalibba tikikaali bakikomamu ekintu kyonakyona, nga mpaawo ekimeramu, era nga mpaawo bimera ebikulamu. Yalikijigirica ooti Sodoma nʼoGomola, Aduma nʼoZebboyimu, ibyo ebibuga ebiyakwatiire obusungu nʼobulwa nʼabijigirica.

2 Abʼe Sesalonika 1:7

kaisi inywe abebagadya nʼabawa ekiwuumulo aamo na iswe. Ebyo byalibbaawo oMusengwa waiswe oYesu oweyalibonekera ngʼazwa omwigulu, ngʼali nʼabamalaikabe abʼamaani.

Yuda 1:7

Era omu ngeri ooti yeeyo, mwebukirye ebyatuukire nʼoku bantu bʼomu kibuga kyʼe Sodoma nʼekyʼe Gomola, nʼebibuga ebindi ebyeruguuliriirye aawo, abeewaireyo ni bakola ebyobulendi ni batuuka nʼokulya ebisiyaga. Ibo abo bakola ngʼekyokuboneraku kyʼabo abagada nʼekibonerezo ekyʼomusyo ogutalikira.

Kubiikula 15:7

Ekimo oku bibbumbe ebyomi ebina, ni kiwa abamalaika omusanvu ebibya omusanvu ebyʼezaabbu, ebiizwire obusungu bwa Kibbumba onanyere obwomi emirembe nʼemirembe.

Kubiikula 16:19

Ekibuga ekinene ni kigabukanamu ebitundu bisatu. Nʼebibuga ebyʼomu byalo byonabyona ni biwumpuka ni bigwa. Atyo oKibbumba weyayebukiirye okubonereza abantu abʼomu kibuga ekinene ekyo, oBbabbulooni, nʼakinywisya ekikopo ekyʼobusungubwe.

Kubiikula 18:3

Ekyo kityo olwʼokubba amawanga gonagona gateemeire omwenge ogwʼobulendi bwakyo obwʼokusinza ebifaananyi. Abakabaka abʼoku kyalo bayendere nakyo, nʼabasuubuuzi abʼoku kyalo basuniire obusuni mu kucakala kwakyo okubitiriri.”

Kubiikula 18:6

Era akoba abamalaika ati: “Musasule oBbabbulooni ebintu ebibbibibbi ebiyakolere abandi. Oku bikole ebyʼekibuga ekyo, inywe musingisyewo emirundi mibiri. Obulumi obuyatuucirye oku bainaye mubumutuuceku yena nga mukubbisyamu emirundi mibiri.

Kubiikula 19:15

Omu munwagwe ni muzwamu empiima ekyogi ekyʼokuwangula amawanga. Yaligafuga nʼobwezye bungi ooti muntu akubbisya omwigo ogwʼekyoma, nʼafutyanka ekikunyiro ekyʼomwenge ogwʼobusungu obungi obwa Kibbumba oWabwezye Bwonabwona.

Kubiikula 19:20

Neye ogusolo ni baguwamba aamo nʼonaabbi owʼobubbeyi, oodi eyakolere ebyewunyo okulwagwo. Ebyewunyo ebyo, niibyo ebiyabbeyabbeyerangaku abantu okubateekaku eraama eyʼogusolo, kaisi basinze ekifaananyi kyagwo. Ogusolo ogwo, nʼonaabbi owʼobubbeyi bonabona ni babadyaka omu nyanza eyʼomusyo ogududumuka.

Kubiikula 20:10

NʼoSitaani eyabasendasendere, balimudyaka omu nyanza eyʼomusyo, ogududumuka, egibadyakiremu ogusolo nʼonaabbi owʼobubbeyi, niimwo omu babagadiryanga obwire nʼomusana, emirembe nʼemirembe.

Kubiikula 20:14

Awo okufa nʼe Magombe ni babidyaka omu nyanza eyʼomusyo. Enyanza eyo niikwo okufa okwokubiri.

Kubiikula 21:8

Neye abo abati, nʼabataikirirya, nʼababebenyekere, nʼabaiti, nʼabalendi, nʼabalogo, nʼabasinza ebifaananyi, nʼababbeyi bonabona, omugabo gwabwe gwalibba mu nyanza eyʼomusyo ogududumuka, okwo nga niikwo okufa okwokubiri.”