Kubiikula 13:6 - Bbaibbuli y'oLugwere

⁶ Kale ni gutandiika okuzumirira oKibbumba, nga gutumula obubbibubbi oku liinalye, nʼoku kifookye omwabba, ni guzuma nʼabo ababba omwigulu.

Kubiikula 13:6 ပူးပေါင်းရင်းမြစ်များ

EZabbuli 73:9

Batumula kubbikubbi oku Kibbumba aali omwigulu, era banyooma abantube oku kyalo.

Matayo 12:34

Inywe muli bakabbikabbi ooti mpiri enfulugundu! Mwezya mutya okutumula ebintu ebisa nga muli bantu abakola ebibbibibbi? Ekyo kityo olwʼokubba ebintu ebiizula omu mwoyo gwa muntu, omunwagwe niibyo ebigutumula.

Matayo 15:19

Ekyo kityo olwʼokubba omu mwoyo gwa muntu niimwo omuzwa ebiseego ebibbibibbi, nʼobwiti, nʼobulendi, nʼobudankaani, nʼobwibbi, nʼokusibirirya oku bantu, nʼokutumula ebyakalebule oku bantu.

Yokaana 1:14

Kale oKibono oyo yasuukire muntu, era yena nʼabba oku kyalo ooti niiswe. Twamuboine omu kitiisyakye, ikyo kidi ekyʼoyo era iye yenkani eyazwire egiri oKibbumba oIteeye, nga iye oKibono aizwire ekisa nʼamazima agakwata oku Kibbumba.

Abʼe Looma 3:13

Ebibono ebibazwamu bifunya ooti kivundi ekizwa omu magombe agebasaanukwire; ennimi gyabwe gibbutula bubbeyi bwereere. Ebibono byabwe bikangabalya ooti saagwa wa mpiri.

Abʼe Kolose 1:19

OKibbumba yasiimire ati obwa Kibbumba bwonabwona bubbe omu Kurisito oyo mu bwizulye.

Abʼe Kolose 2:9

Mazima, obwa Kibbumba bwonabwona buli mu Kurisito nʼoweyabbaire oku kyalo ngʼomuntu.

AbʼEbbulaniya 9:2

Ekifo ekyo kyabbaire weema eya Kibbumba aBaisirairi egibakomekere ngʼerimu ebisenge bibiri. Omu kisenge kyayo e kyenza, ooba ekisooka, mwabbairemu ekikondo oku bayanika eitaala. Era nga mulimu nʼemenza, nʼemigaati egibawonga eeri oKibbumba. Ekitundu ekyo nga bakyeta Kifo eKitukulye.

AbʼEbbulaniya 9:24

Era oKurisito tiyaingiire omu kifo ekitukulye nga bantu niibo abakikolere, ekifaanana-obufaanani na kidi ekinanyerenyeere. Wazira yaingiire omwigulu awananyerenyeere, era nga gyali nʼatyanu omumaiso ga Kibbumba ngʼatukiikirira.

Kubiikula 11:12

Abajulizi abo ababiri ni bawulira eigono eryaminkirira erizwa omwigulu nga libakoba liti, “Mwize eenu!” Ni baniina omwigulu nga baabira mu kireri, ngʼabalabe baabwe babona.

Kubiikula 12:12

Kale musangaale inywe eigulu nʼabalimu. Neye inywe ekyalo nʼenyanza, nga mwalaba, olwʼokubba oSitaani aikire egimuli ngʼali nʼobusungu bungi, ngʼamaite ati, ali nʼakaseera katyayi kati!”

Kubiikula 15:5

Ebyo owebyawoire, ni mbona eYeekaalu eyʼomwigulu nga njigule, eYeekaalu ngʼekola ngʼeweema eya Kibbumba ekakasa eti oKibbumba ali aawo nʼabantube.

Kubiikula 18:20

Ni wabbaawo eyakobere ati: “Neye inywe omwigulu musangaale olwʼokubba bakijigiricirye! Inywe abatuukirirye, na inywe abatume nʼabanaabbi musangaale, olwʼokubba oKibbumba akisingisirye omusango olwʼebyo ebikyakolere!”

Kubiikula 21:3

Ni mpulira eigono eryaminkirira nga litumulira awali entebe eyʼobwakabaka, nga likoba liti, “Obone, atyanu obutyami bwa Kibbumba buli mu bantu, era yaabbanga nabo. Baabbanga bantube, era oKibbumba onyere yaabbanga nabo, nga niiye oKibbumba waabwe.

Kubiikula 4:1

Ebyo owebyawoire, ni mbonawo olwigi olwigule omwigulu. Era omuntu atumula nʼeigono erinyere lidi erinsookere okuwulira nga likooka ooti kondeere ni linkoba liti, “Oniine oize eenu nkulage ebiteekwa okwiririra kwebyo.”

Kubiikula 4:4

Era okweruguulirirya entebe eyʼobwakabaka, wabbairewo amantebe agandi 24. Okwo abakaire 24 babbaire batyaimeku era nga bazwaire ebizwalo ebyeru, nʼoku mitwe gyabwe nga kuliku engule egyʼezaabbu.

Kubiikula 5:13

“Era ni mpulira nabuli kibbumbe omwigulu nʼoku kyalo, nʼansi wʼekyalo nʼomu nyanza, byona nga bikoba biti: Oyo atyaime oku ntebe eyʼobwakabaka era nʼoNtaama oMutomuto wa Kibbumba, tubawuuje, tubawe ekitiisya; tubagulumalye, era babbe nʼobwezye emirembe nʼemirembe!”

Kubiikula 7:15

Nʼolwekyo, ‘bali omumaiso gʼentebe eya Kibbumba, era baweererya omusana nʼobwire omu Yeekaaluye. Era oyo atyaime oku ntebe eyʼobwakabaka, yaabbanga nabo ngʼabalabirira.

Kubiikula 7:9

Ebyo owebyawoire, ni nningirira, ni mbona oguziima ogwʼabantu abatabalika. Bazwire mu byalo byonabyona, nʼomu mawanga gonagona nʼomu bika byonabyona, nʼomu ntumu gyonagyona. Ni beemerera omumaiso agʼentebe eyʼobwakabaka, nʼomumaiso aga Ntaama oMutomuto wa Kibbumba oguyawaireyo ngʼesadaaka olwʼebibbibibbi byʼabantu. Abantu babbaire bazwaire amaganduula ameeru, nga basangaala era bakwaite nʼensansa egitali nkujuulye.