Kubiikula 11:10 - Bbaibbuli y'oLugwere

¹⁰ Abantu abʼoku kyalo abataikirirya oKibbumba ibo balisangaala olwʼokufa kwʼabo ababiri. Balisangaala ino, era baliweereryangana ebirabo omu kwesiima, olwʼokubba abanaabbi abo ababiri babbaire badambirye ino abʼoku kyalo.

Kubiikula 11:10 ပူးပေါင်းရင်းမြစ်များ

EZabbuli 13:4

era tiwaganya omulabe wange okukoba ati, “Mmuwangwire,” nʼabampalana okujaagaana olwa kumpangula.

EZabbuli 35:19

Tiwaganya abalabe bange abansibiriryaku okujaagaana olwa kumpangula. Era abancaawa anambula nsonga, tiwabaganya okwegooŋa nga ndi munakuwali.

EZabbuli 89:42

Owaire abamulwanisya amaani ni bamuwangula, abalabebe bonabona ni bajaagaana.

ENgero 24:17

Tiwasangaalanga ngʼomulabewo atuukire omu kabbikabbi; era tiwajaagaananga nga yeesiitaire nʼagwa,

Matayo 10:22

Era nywena abantu bonabona balibacaawa olwʼokubba muli basengereri bange. Neye oyo eyaligumira ebigosi ebyo paka oku nkomerero, yalirokoka.

Yokaana 16:20

Aale mbakobera amazima nti, inywe mwalikunganga era mwalikubbanga enduulu, neenu abantu abakola ebyʼekyalo nga ibo bajaagaana. Inywe enima yalibakwata, neye tete enima yaanywe yalisuukamu isangaalo.

Yokaana 7:7

Ekyo kityo olwʼokubba inywe abantu tibayezya okubacaawa, neye nze bancaawa olwʼokubba mbakobera nti ebikole ebibakola bibbibibbi.

Bikole 5:33

AbʼoLukiiko owebawuliire ebibono ebyo, obusungu ni bubakwata, ni bataka baite abatume.

1 Abʼe Kolinso 13:6

Era okutaka tikusangaalira ebikole ebibbibibbi, wazira kusangaalira mazima.

Kubiikula 12:13

Ogumpiri owegwaboine nga bagudyakire oku kyalo, ni gulabya omukali eyabyaire omwana omwisuka.

Kubiikula 13:14

Ni gubbeyabbeya abantu abataikirirya oYesu, nga gukolesya ebyewunyo ebibagwikiriirye okukolera omumaiso aga gusolo gudi ogwasookere. Era ni gubalagira babbumbe ekintu ekifaanana ooti gusolo gudi ogubasumutire empiima neye ni gutafa, bakisinze.

Kubiikula 13:8

Abantu bonabona ababbaire oku kyalo, abo amaliina gaabwe agebatawandiikire omu kitabo ekyʼabantu abali nʼobwomi obutawaawo, okuzwera kimo owebabbumbiire ekyalo, ekitabo ekya Ntaama oMutomuto wa Kibbumba oguyawaireyo ngʼesadaaka, balisinza ogusolo ogwo.

Kubiikula 16:10

Omalaika owokutaanu nʼasuka oku ntebe eyʼobwakabaka eyʼogusolo gudi ogwasookere ekibya kyʼobusungu ekiyabbaire nakyo, obwakabaka bwagwo ni bwizula endikiirya, abantu ni beeruma ennimi olwʼobulumi.

Kubiikula 3:10

Ekyo nalikikola olwʼokubba wakwaite ekiragiro kyange ekikoba kiti, “Oguminkirize,” zena nalikulamya omu kiseera ekyʼokukugezesya ekyaba okwiza oku kyalo kyonakyona, okugezesya abo abali oku kyalo.