Kubiikula 1:7 - Bbaibbuli y'oLugwere

⁷ “Ngoyo aizira oku bireri. Abantu bʼentumu gyonagyona balimubona, era nʼabo abamusumutire balimubona. Abantu abatamwikirirya bonabona oku kyalo balikubba enduulu okululwe.” Niikyo owekyalibba. Amiina.

Kubiikula 1:7 ပူးပေါင်းရင်းမြစ်များ

EZabbuli 22:16

Ekiziima kyʼabakola ebibbibibbi kineeruguuliriirye ooti kiziima kyʼembwa niikyo ekinzingizire. Engalo gyange nʼebigere byange babisumutyagire.

EZabbuli 68:1

Oleke oKibbumba asetuke, abalabebe basalaanike. Oleke abo abamucaawa bamwiruke.

EZabbuli 97:2

Ebireri nʼondikiirya ozigizigi bimweruguuliriirye; obutuukirirye nʼobwenkanya niibyo omusingi gwʼentebe yʼobwakabakabwe.

OKubala 24:17

“Ebinjolesebwa ebibakwataku, tibyakubbaawo biseera binu; ebinjolesebwa ebibakwataku, tibyakubbaawo kuti kunu. Okabaka yalizwayo omwibyaire lya Yaakobbo ooti nkota; okabaka yalizwa omu Baisirairi. Yalitentena empumi gyʼabʼeibyaire lya Mowaabbu, yalitentena ebiyanga byʼabʼeibyaire lya Seezi bonabona.

Matayo 16:27

Ekyo nkitumula olwʼokubba oMwana wa Muntu ayaba okwizira omu kitiisya kya Iteeye, nʼabamalaikabe, era awo awe nabuli muntu empeeraye, ngʼasinzirira ku biibyo nabuli muntu ebiyakolere.

Matayo 16:28

Mbakobera amazima nti abamo oku bantu abali aanu, tibalifa nga bakaali okubonaku oMwana wa Muntu ngʼaiza okufuga.”

Matayo 24:30

Era oYesu nʼakoba ati, “Omu kiseera ekyo akamanyiciryo akalaga kati oMwana wa Muntu aira kaliboneka angulu omwibbanga, kaisi olwo abantu bonabona abʼoku kyalo balikuukulya. Era balibona oMwana wa Muntu ngʼaizira oku bireri okuzwa omwigulu, ngʼali nʼobwezye, nʼekitiisya ekyʼamaani.

Matayo 25:31

Awo oYesu nʼabakobera ati, “OMwana wa Muntu omu kitiisyakye oweyaliira era ngʼali nʼabamalaikabe bonabona, yalityama omu ntebeye eyʼekitiisya.

Matayo 26:64

OYesu nʼairamu ati, “Ee, kityo ngʼowookobere. Era mbakobera nywenanywena nti mwalibona oMwana wa Muntu ngʼatyaime nʼoKibbumba omu kifo kyʼekitiisya eino era ngʼaizira oku bireri okuzwa omwigulu.”

Maako 13:26

“Olwo kaisi ni babona oMwana wa Muntu ngʼaizira oku bireri, era ngʼali nʼobwezye bungi nʼekitiisya.

Maako 14:62

Awo oYesu nʼairamu ati, “Ee ninze. Era mwalibona oMwana wa Muntu ngʼatyaime nʼoKibbumba omu kifo kyʼekitiisya eino, era ngʼaizira oku bireri okuzwa omwigulu.”

Luuka 21:27

Olwo kaisi ni babona oMwana wa Muntu ngʼaizira oku bireri, era ngʼali nʼobwezye bungi nʼekitiisya ekyʼamaani.

Yokaana 19:34

Awo, iye omu kifo kyʼokumuvuna, omoiza oku baisirikale nʼamusumuta eisimo omu mpete okukakasa ngʼafiire, amangu ago ni muzwamu omusaaye nʼamaizi.

Yokaana 19:37

era nga nʼeKiwandiike ekindi owekikoba kiti, “Baliringirira yoodi ibo ogubalibba basumutire.”

1 Abʼe Sesalonika 1:10

Era balonsya ngʼowemukuumiriire oMwanawe okwira ngʼazwa omwigulu, oguyazuukizire, nga niiye oYesu atulamya obusungu bwa Kibbumba obwaba okwiza.

1 Abʼe Sesalonika 4:17

Awo swena abalibba bakaali boomi, ni twiririraku ni batutwalira aamo nabo omu bireri, okusangaana oMusengwa waiswe omwibbanga. Olwo kaisi ni tubbanga nʼoMusengwa waiswe emirembe nʼemirembe.

AbʼEbbulaniya 10:29

Nʼolwekyo nʼomuntu atalyanguka oMwana wa Kibbumba, atyo omusaaye ogwʼendaagano ogwamutukwirye, nʼalitwala ngʼogutali mutukulye, era nʼazumirira oMwoyo atulaga ekisa, museega muti tiyalisaanira ekibonerezo ekikirawo obukambwe?

AbʼEbbulaniya 6:6

Ala abʼengeri abo tikyezyeka okubairyawo omu kwenenya, olwʼokubba okwegaana oMwana wa Kibbumba okubabba bakola kyekimo babba ngʼabairamu kumukomerera ku musalabba na kumuswaza mulwatu.

1 Yokaana 3:2

Kale bainange abatake, atyanu tuli baana ba Kibbumba, waire wona era ngʼekitwalibba kikaali okumanyikana. Cooka tumaite tuti oweyaliboneka, twalifaanana ooti niiye, olwʼokubba twalimubona dala ngʼobwali.

Yuda 1:14

Era oku basomesya abanyere abo nago Enoka owʼekizukulu kyomusanvu okuzwera nakimo okwAdamu, beyalagwireku oweyakobere ati, “Aale mubone oMusengwa oYesu aiza nʼenkumi nʼenkumi gyʼabamalaikabe abatukulye,

Kubiikula 22:20

Oyo akakasa ebyo akoba ati, “Niikyo ekyo, njiza mangu.” Amiina. Oize Musengwa waiswe oYesu.

Kubiikula 22:4

Bamubonanga maiso ku maiso, era yaliwandiika eriinalye oku mpumi gyabwe okulaga ati babe.

ABalamuzi 5:31

“Oo Musengwa, oleke abalabebo bonabona bajigirike. Neye oleke abakutaka babbe ooti isana obweribba nga lizwayo omu maani gaalyo.” Awo ekyalo ekyo ni kibba nʼemirembe emyanka 40.