Kubiikula 1:6 - Bbaibbuli y'oLugwere

⁶ nʼatusuuca okubba obwakabaka era abakabona ba Kibbumba oIteeye. Ekitiisya nʼobwezye bibbe egiri iye emirembe nʼemirembe. Amiina. Era ngʼolwembo owerukoba luti:

Kubiikula 1:6 ပူးပေါင်းရင်းမြစ်များ

OKuzwa 19:6

Mwabbanga bakabona bʼobwakabaka bwange era igwanga eritukulye. Ebyo niibyo ebiwakobera aBaisirairi.”

Matayo 6:13

Era tiwatuleka okugwa omu bikemo, wazira otulamye eeri omubbimubbi. [Ibwo obwakabaka, nʼobwezye nʼekitiisya bibyo emirembe nʼemirembe. Amiina].’

Yokaana 5:23

Ekyo kityo kaisi abantu bonabona bayezye okuwa oMwana ekitiisya ekyo ekibawa oIteeye. Era singa omuntu yenayena tawa oMwana ekitiisya era mazima abba tawa nʼoIteeye ekitiisya, iye nago eyamutumire.”

Abʼe Looma 11:36

Byonabyona byazwire gyali, niiye eyabibbumbire, era byonabyona bibbaawo kumuweererya. Tumuwenge ekitiisya emirembe nʼemirembe. Amiina.”

Abʼe Looma 15:6

kaisi awo muwuujenge oKibbumba, oIteeye wa Musengwa waiswe oYesu Kurisito, nʼomwoyo gumo nʼeigono limo.

Abʼe Firipi 2:11

era buli muntu yalibbutula omulwatu ati, “OYesu Kurisito niiye oMusengwa.” Era nʼolwekyo abantu bonabona baligulumalya oKibbumba oItewaiswe.

1 Temuseewo 6:16

Iye yenkani atafa era abba omu kitangaala abantu ekibateezya kwigereraku, mpaawo eyabbaire amuboineku, era mpaawo ayezya okumubona. Iye wʼekitiisya, era iye wʼobwezye obutawaawo. Amiina.

AbʼEbbulaniya 13:21

abawe nabuli kisa kyonakyona ekimwetaaga okukolanga ebyataka. OKibbumba oyo akolere mwiswe byonabyona ebyasiima, ngʼabitira omu Yesu Kurisito, awomeire okumuwanga ekitiisya emirembe nʼemirembe. Amiina.

1 Peetero 4:11

Singa owekubba nti kutumula, omuntu atumulenge bibono biidi oKibbumba ebyamuwa okutumula. Era owekubba kiti kubbeera bantu, omuntu ali nʼokuweererya nʼamaani ago oKibbumba agamuwa, kaisi olwo mu byonabyona oKibbumba bamuwuuje omu Yesu Kurisito. Kale era oKibbumba owʼobwezye asunenge ekitiisya emirembe nʼemirembe. Amiina.

1 Peetero 5:11

Kale oKibbumba iye abbenge nʼobwezye emirembe nʼemirembe. Amiina.

2 Peetero 3:18

Neye mweyongerenge okubba omu kisa kya Musengwa waiswe era oMulokoli oYesu Kurisito, era mweyongerenge nʼokumumanya. Oleke ekitiisya kiire eeri oKibbumba atyanu nʼemirembe gyonagyona. Amiina.

Yuda 1:25

Abantu nga babita omu Yesu Kurisito oMusengwa waiswe, bawenge oKibbumba omoiza oyo ekitiisya, iye nago oMulokoli waiswe, era owʼamaani era owʼobwezye. Era niiye eyabbairewo okuzwera nakimo ngʼemigigi gyʼabantu gikaali nʼokubbaawo, era niiye akaali atyo nʼomu mirembe ginu era eyalibbaawo emirembe nʼemirembe! Amiina.

Kubiikula 1:9

Ninze oYokaana, owoluganda agabanira aamo na inywe omu kugada, omu bwakabaka, era nʼomu kuguminkiriza ebitusuna olwʼokubba abantu ba Yesu. Nabbaire oku kizinga e Patumo omu busibe, olwʼokukobera abantu ekibono kya Kibbumba, era nʼebifa oku Yesu.

Kubiikula 20:6

Bʼenkabi era batukulye abo abalizuukira omu kuzuukira okwo okusooka. Abo okufa okwokubiri kubabulaku bwezye, wazira balibba bakabona ba Kibbumba era ba Kurisito, era balifugira aamo naye emyanka 1,000.

Kubiikula 4:11

“Musengwa iye oKibbumba waiswe, osaaniire ekitiisya nʼokukuwuuja, era nʼokubba nʼobwezye, olwʼokubba niiwe eyabbumbire byonabyona. Wabibbumbire, era ni bibbaawo ngʼowewatakire.”

Kubiikula 5:10

nʼobasuuca obwakabaka era abakabona ba Kibbumba waiswe, abʼokufuga ekyalo.”