EZabbuli 99:3 - Bbaibbuli y'oLugwere

³ Oleke bawuuje eriinalye erikulu era eryʼentiisya. Iye Mutukulye.

EZabbuli 99:3 ပူးပေါင်းရင်းမြစ်များ

EZabbuli 100:4

Mwingirire omu mageetige nga mumwebalya, mwabe omu luugalwe nga mumuwuuja. Mumwebalye era muwuuje eriinalye.

EZabbuli 103:1

Mwoyo gwange owuuje oMusengwa. Nabuli ekiri omunda mu nze kiwuuje eriinalye iye omutukulye.

EZabbuli 111:9

Yanunwire abantube, nʼakola nabo endagaano eyenkalaakalira. Iye Mutukulye era wʼentiisya.

EZabbuli 145:17

OMusengwa mutuuce mu byonabyona ebyakola, era wʼekisa omu bikolebye byonabyona.

EZabbuli 66:3

Mukobe oKibbumba muti, “Ebyokola nga byewunyisya! Olwʼobwezyebwo obwʼamaani, abalabebo omu kutya banyolokoka omumaisogo.

EZabbuli 76:1

OKibbumba amanyikanire omu Yuda, era eriinalye likulu omwIsirairi.

EZabbuli 76:12

Aica abafugi, era abakabaka bʼoku kyalo bamutya.

Yokaana 17:11

Aale atyanu nze ngonu njaba okuzwa oku kyalo era ndi kwiza e gyoli neye ibo bakaali bali oku kyalo. Iwe Bbaabba oMutukulye, obakuumenge omu bwezyebwo obuwampaire kaisi bayezye okubbanga nakimo ooti niiswe owetuli ekimo.

AMateeka 28:58

“Singa timwekeenenyenge okukwata amateeka ganu gonagona agembawandiikiire omu kitabo kinu era singa timwatyenge eriina eryo eryʼekitiisya era eryʼamaani, oyo oMusengwa iye oKibbumba waanywe,

AMateeka 7:21

Timwabatyanga, olwʼokubba oMusengwa iye oKibbumba waanywe ali na inywe, kaisi nga mukulu era wʼentiisya.

Yoswa 24:19

OYoswa nʼakoba abantu ati, “Timwezya okuweererya oMusengwa. Iye oKibbumba mutukulye; iye Kibbumba owʼeibuba. Tiyalisoniya obujeemu bwanywe nʼebikole byanywe ebibbibibbi.

Kubiikula 4:8

Buli kimo oku bibbumbe ebyomi ebyo ebina, nga kiri nʼebiyaya mukaaga, era ebibbumbe ebiri nʼobwomi nago nga biizwire amaiso oku mubiri kwonakwona era nʼomu biyaya. Era omusana nʼobwire, anambula kusirikakuumu, nga bideeba biti: “OMutukulye, oMutukulye, oMutukulye, oMusengwa oKibbumba oWabwezye Bwonabwona, eyabbairewo, abbaawo, era aiza kubbaawo!”

1 Samwiri 2:2

“Mpaawo omutuukirirye ngʼoMusengwa, mpaawo gondi ali ngaiye; mpaawo ayezya okutukuuma ngʼoKibbumba waiswe.