EZabbuli 96:6 - Bbaibbuli y'oLugwere

⁶ Ekitiisya nʼobukulu bimweruguuliriirye, obwezye nʼobusa biri omu Weemaye.

EZabbuli 96:6 ပူးပေါင်းရင်းမြစ်များ

EZabbuli 104:1

Mwoyo gwange, owuuje oMusengwa. Oo Musengwa, iwe oKibbumba wange, oli mukulu ino. Oli nʼamaani era oli nʼekitiisya.

EZabbuli 19:1

Eigulu limanyikisya ekitiisya kya Kibbumba, era nʼebiri omwibbanga biraga ebyemikonobye.

EZabbuli 27:4

Ekintu kimo ekinsaba oMusengwa, era ekiinnoonia, kubbanga mu nyumba ya Musengwa enaku gyʼobwomi bwange gyonagyona, nga nningirira oku busaabwe, era nʼokusaba okulungamyakwe nga ndi omu Yeekaaluye.

EZabbuli 29:9

Eigono lya Musengwa liyuujayuuja emivule, era ni limagalicirya nakimo ebikoola byʼemisaale. Omu Yeekaaluye abantu bonabona bakubba olukero bati, “Ekitiisya kibbe eeri oKibbumba.”

EZabbuli 50:2

OKibbumba anekaaneka ngʼasinzirira omu Sayuuni, ekibuga ekikirira nakimo obusiipoono.

EZabbuli 63:5

Omwoyo gwange gwanogananga ooti muntu aliire ekyokulya ekinoli, era nayembanga nʼeisangaalo okukuwuuja.

EZabbuli 8:1

Oo Musengwa, iwe oMusengwa waiswe, obukulu bwʼeriinalyo buboneka nabuli wantu omu kyalo kyonakyona! Era ekitiisyakyo kiboneka paka mwigulu.

EZabbuli 93:1

OMusengwa niiye afuga, era ali nʼekitiisya; oMusengwa ali nʼekitiisya era ali nʼamaani. Yateekere ekyalo omu kifo kyakyo, era tikyezya okuyuugayuugana.

AbʼEbbulaniya 1:3

Mwiye niimwo okwasya kwʼekitiisya kya Kibbumba omu kweraga, era mwiye mutubonera enfaanana ya Kibbumba enanyere. Niiye abbesyawo buli kimo nʼamaani gʼekibonokye. Oweyamalire okutunaabyaku ebibbibibbi byaiswe, nʼatyama omwigulu nʼoKibbumba onyere oBwezye omu kifo kyʼekitiisya eino.