EZabbuli 94:4 - Bbaibbuli y'oLugwere

⁴ Basesema bibono byʼokwekudumbalya, era bonabona abakola ebibbibibbi baizwire kwepanka.

EZabbuli 94:4 ပူးပေါင်းရင်းမြစ်များ

EZabbuli 125:5

Neye abo abakwata enzira gyabwe encaamu, oMusengwa yababonerezeranga aamo nʼababbibabbi. Eidembe libbe okwIsirairi.

EZabbuli 140:3

Ebibono ebibazwamu byʼobulabe ooti mpiri omukambwe, ebibono byabwe bikangabalya ooti saagwa wa nfulugundu.

EZabbuli 31:18

Obbuuneku eminwa gyʼababbeyi, abo abamalala era abʼeidumi abatumula okubbikubbi oku batuukirirye.

EZabbuli 52:1

Iwe owʼamaani, lwaki weepankira omu kibbikibbi? Ekisa kya Kibbumba kinkuuma okumalaku olunaku.

EZabbuli 59:12

Olwʼebibono ebibbibibbi ebibatumula, era olwʼebibono ebizwa omu minwa gyabwe, oleke babakwatire omu kwekudumbalya kwabwe. Olwʼokulaama nʼolwʼokubbeya kwabwe,

EZabbuli 59:7

Owulire ebibono ebibakaasa okuzwa omu minwa, bakaasa ebibono ebisumuta ooti mpiima. Baseega bati mpaawo abawulira.

ENgero 30:14

waliwo abo abali nʼamaino amoogi ooti mpiima, nʼensaya gyabwe giri ooti girimu bwambe, okumalawo abadoobi oku kyalo, era okumalawo abadamba omu bantu.”

Matayo 12:24

Neye aBafalisaayo owebawuliire ebyo, ni bairamu bati, “Omusaiza onu abbinga emizimu ngʼakolesya bwezye bwa Bberuzebbuli omukulu waagyo.”

Matayo 12:34

Inywe muli bakabbikabbi ooti mpiri enfulugundu! Mwezya mutya okutumula ebintu ebisa nga muli bantu abakola ebibbibibbi? Ekyo kityo olwʼokubba ebintu ebiizula omu mwoyo gwa muntu, omunwagwe niibyo ebigutumula.

1 Samwiri 2:3

“Mulekeraawo okwenyumiriza, mukomye entumula eyʼokwepanka; olwʼokubba oMusengwa niiye oKibbumba omumanyi, era niiye alamula ebikole byʼabantu.”