EZabbuli 94:2 - Bbaibbuli y'oLugwere

² Iwe omulamuzi owa bonabona, osetuke osasule abʼamalala ekibasaanira.

EZabbuli 94:2 ပူးပေါင်းရင်းမြစ်များ

ENtandiika 18:25

Kyabba tikisa okukola otyo, iwe okwita abatuukirirye aamo nʼabakola ebikole ebibbibibbi, era okubitya abatuukirirye nʼabakola ebikole ebibbibibbi omu ngeri efaanana. Era mazima tiwakikola. Aale oMulamuzi wʼekyalo kyonakyona takola ekintu ekituuce?”

EZabbuli 31:23

Mutakenge oMusengwa inywe nywenanywena abatuukiriryebe. OMusengwa akuuma abo abamwesiga, neye abʼamalala ababonerezera nakimo ino ngʼowebasaaniire.

EZabbuli 50:6

Eigulu lirangirira obutuukirirye bwa Kibbumba, olwʼokubba iye onanyere, mulamuzi.

EZabbuli 68:1

Oleke oKibbumba asetuke, abalabebe basalaanike. Oleke abo abamucaawa bamwiruke.

EZabbuli 7:6

Oo Musengwa osetukiremu, omu busungubwo olwanisye abalabe bange abannumba nʼobukambwe. Oo Kibbumba wange osetuke, olagire wabbeewo obwenkanya.

EZabbuli 74:22

Oo Kibbumba, osetukiremu olwanirire ensongayo, oyebukirye engeri abasirusiru egibakujerega okumalaku olunaku.

EZabbuli 82:8

Oo Kibbumba, osetuke olamule ekyalo, olwʼokubba amawanga gonagona gago ku bubwo.

2 Abʼe Kolinso 5:10

Ekyo tukikola olwʼokubba swenaswena tuteekwa okwemerera omumaiso ga Kurisito okutusalira omusango. Era yaliwa buli muntu ekimusaanira kusinzirira ku bikole ebisa ooba ebibbibibbi omuntu oyo ebiyakolere oweyabbaire ngʼakaali ali omu mubiri gunu.

1 Peetero 5:5

Nʼomu ngeri enanyereeyo, na inywe abaikirirya abandi abasigaireyo, mugonderenge abeekubbemberi baanywe, era mubbenge bʼeiwooyo eeri buli muntu nʼomwinaye. Ekyo kityo olwʼokubba eKiwandiike kikoba kiti: “OKibbumba ayakanisya abʼamalala, wazira akwatira ekisa ibo abo abawombeeki.”