EZabbuli 92:5 - Bbaibbuli y'oLugwere

⁵ Oo Musengwa, ebyokola nga bikulu, nʼebyoseega nga bigosi okubitegeera!

EZabbuli 92:5 ပူးပေါင်းရင်းမြစ်များ

EZabbuli 104:24

Oo Musengwa, ebintu ebyenjawulo ebiwakolere nga bingi ino! Byonabyona wabikolere nʼamalabuki, ekyalo kiizwire bibbumbebyo.

EZabbuli 111:2

OMusengwa ebyakola bikulu, bonabona ababisangaalira babifumintirizaku.

EZabbuli 139:17

Oo Kibbumba, ebyonseegaku nga byomugaso ino! Ebyonseegaku tibibalika!

EZabbuli 36:6

Obutuukiriryebwo bubbeerererawo ooti nsozi empanvu, obwenkanyabwo bwabirira ooti lwabi lwʼenyanza. Oo Musengwa, olabirira abantu nʼebisolo.

EZabbuli 40:5

Oo Musengwa, iwe oKibbumba wange mpaawo akwagaagana. Ebyewuunyisya bingi ebyonkoleire. Ebintu ebyotutegekeire bibitiriri okubibala. Nʼowengezyaku okubitumulaku, timpezya nʼokubimalayo!

EZabbuli 64:6

Bateesa ekibbikibbi ni bakoba bati, “Entegeka enu egitukolere, mpaawo ekyagikaisisya.” Ebiseego byʼomuntu omunda omu mwoyogwe, mpaawo ayezya okubitegeera.

EZabbuli 66:3

Mukobe oKibbumba muti, “Ebyokola nga byewunyisya! Olwʼobwezyebwo obwʼamaani, abalabebo omu kutya banyolokoka omumaisogo.

1 Abʼe Kolinso 2:10

Neye iswe, oKibbumba yatumanyikisirye amawuliro agʼekyama ekyo ngʼakolesya oMwoyowe. Ekyo kityo olwʼokubba oMwoyo anoonererya buli kintu, nʼebyo ebibise oKibbumba ebiyategekere.

Kubiikula 15:3

Ni bemba olwembo onaabbi oMusa, omuweererya wa Kibbumba oluyayembere, nʼolwembo eeri oNtaama oMutomuto wa Kibbumba, nga bakoba bati: “Musengwa oKibbumba oWabwezye Bwonabwona, ebyokola bikulu era byewunyisya! Iwe oKabaka owʼemirembe nʼemirembe, amanzirago matuuce era gʼamazima.