EZabbuli 92:10 - Bbaibbuli y'oLugwere

¹⁰ Neye nze ompaire amaani ooti ga mbogo, era onsukireku amafuta amasa.

EZabbuli 92:10 ပူးပေါင်းရင်းမြစ်များ

EZabbuli 101:8

Nabuli oluca najigiricanga ababbibabbi bonabona omu kyalo kinu, era nalimalirawo nakimo abakola ebibbibibbi omu kibuga kya Musengwa.

EZabbuli 112:9

Agabira abadoobi nʼomwoyo gumo. Era ebikolebye ebyobutuukirirye tibalibyerabira emirembe gyonagyona, bamugulumalyanga ni bamuwa ekitiisya.

EZabbuli 125:5

Neye abo abakwata enzira gyabwe encaamu, oMusengwa yababonerezeranga aamo nʼababbibabbi. Eidembe libbe okwIsirairi.

EZabbuli 132:17

“Aanu wenalisuucira omoiza okwibyaire lya Dawudi okubba kabaka omukulu, era ni nsuuca ogunasukireku amafuta kitangaala eeri abantu emirembe gyonagyona.

EZabbuli 148:14

Yasuucirye eigwangalye lyʼamaani, kagira abatuukiriryebe bonabona bamuwuuja, ibo aBaisirairi, abamuli oku mwoyo. Muwuuje oMusengwa.

EZabbuli 18:15

Musengwa, owewakaawukiire abalabebo nʼofuwa nʼomwota gwʼomu nindoyo, ansi wʼenyanza wabonekere, nʼemisingi gyʼekyalo ni gibba waweeru aawo.

EZabbuli 23:5

Ontegekera ekiinulo ngʼabalabe bange babona. Onjaniriza omu ngeri eyʼenjawulo ngʼonsiiga okalifuwa oku mutwe. Era oizulya ekikopo kyange du.

EZabbuli 45:7

Otaka ebikole byʼobutuukirirye nʼocaawa obubbibubbi. Kagira nze oKibbumba, oyo oKibbumbawo, nkusukireku amafuta ni nkuwa eisangaalo erikira eryʼabandi bonabona.

EZabbuli 75:10

Yalijigirica amaani gʼababbibabbi, neye yalyongera agʼabatuukirirye.

EZabbuli 89:17

Ekitiisya kyabwe nʼamaani gaabwe bizwa eeri niiwe. Olwʼekisaakyo otuwa obuwanguli.

EZabbuli 89:24

Naabbanga mwesigwa egyali era namulaganga okutaka okutakoma, era omu liina lyange yalisuna obuwanguli.

OKubala 23:22

OKibbumba yabatoire e Misiri; abalwanira nʼamaani ooti mbogo.

OKubala 24:8

“OKibbumba yabatoire e Misiri, bali nʼamaani ooti ga mbogo. Basaanyawo amawanga gʼabalabe baabwe, ni bavuniankamu amagumba gʼabalabe bitundutundu, babasumutiaga nʼobulaso bwabwe.

Luuka 1:69

Atuwaire oMulokoli owʼobwezye, azwera omu lulyo lwʼomuweereryawe okabaka oDawudi,

2 Abʼe Kolinso 1:21

Neye iye oKibbumba niiye atwezyesya iswe na inywe ni tubba bagumu omu kwikirirya oKurisito. Era oKibbumba oyo niiye eyatusukireku amafuta,

1 Yokaana 2:20

Neye inywe oKurisito yabawaire oMwoyo oMutukulye, era inywe nywenanywena mumaite amazima.

ABalamuzi 5:31

“Oo Musengwa, oleke abalabebo bonabona bajigirike. Neye oleke abakutaka babbe ooti isana obweribba nga lizwayo omu maani gaalyo.” Awo ekyalo ekyo ni kibba nʼemirembe emyanka 40.

1 Samwiri 2:1

Awo oKaana nʼawuuja oMusengwa ngʼakoba ati, “OMusengwa aizwirye omwoyo gwange eisangaalo; oMusengwa ansuuciirye nakimo wʼamaani. Nsekerera abalabe bange, nsangaala olwʼokubba onnunwire.

1 Samwiri 2:10

abalabe ba Musengwa babasusungula. Ababbwatukiraku ngʼasinzirira omwigulu; oMusengwa yaliramula ekyalo kyonakyona.” “Yaliwa amaani, oyo oguyalondere okubba okabaka era nʼawa oyo amaani amabitiriri, oguyasukireku amafuta.”