EZabbuli 92:1 - Bbaibbuli y'oLugwere

¹ Oo Musengwa, kisa okukwebalyanga, nʼokwemba okukuwuujanga iwe oNambulaku aMwagaagana.

EZabbuli 92:1 ပူးပေါင်းရင်းမြစ်များ

EZabbuli 107:1

“Mwebalye oMusengwa olwʼokubba musa; okutakakwe okutakoma kubbeerererawo emirembe gyonagyona.”

EZabbuli 107:15

Kale beebalye oMusengwa olwʼokutakakwe okutakoma, nʼolwʼebyewunyo ebyakolera abantu.

EZabbuli 107:8

Kale beebalye oMusengwa olwʼokutakakwe okutakoma nʼolwʼebyewunyobye ebyakolera abantu.

EZabbuli 135:3

Muwuuje oMusengwa olwʼokubba iye oMusengwa musa. Mwembe nga muwuuja eriinalye olwʼokubba ekyo kyʼeisangaalo.

EZabbuli 147:1

Muwuuje oMusengwa. Nga kisa okwemba nga tuwuuja oKibbumba waiswe, nga kisangaalya era nga kisaanira okumuwuuja!

EZabbuli 33:1

Abatuukirirye nywenanywena musangaale olwʼebyo oMusengwa ebyakola, mumuwuuje inywe abʼemyoyo emirongoole.

EZabbuli 50:23

Oyo iye aleeta esadaaka eyʼokuneebalya, angulumalya. Era oyo iye atambula nakusani, nze oKibbumba nalimununula.”

EZabbuli 52:9

Nakwebalyanga emirembe gyonagyona, era nakwesiganga olwʼebyo ebyokolere. Nabbutulanga omumaiso gʼabatuukiriryebo ngʼobwoli omusa.

EZabbuli 54:6

Oo Musengwa, naawangayo egyoli ebyokuwaayo omu kutaka, nakwebalyanga olwʼokubba oli musa.

EZabbuli 73:28

Neye nze nga kisa okubba okumpi nʼoKibbumba. Nsuucirye oMusengwa aKira Byonabyona, kiirukiro kyange, kaisi nkoberenge abantu byonabyona ebyakolere.

EZabbuli 82:6

Nkobere nti, ‘Muli bakibbumba,’ nywenanywena muli baana bʼoNambulaku aMwagaagana.

EZabbuli 92:8

Neye iwe Musengwa, bakugulumalyanga emirembe gyonagyona.

AbʼEfeeso 5:19

Mulonseryenge omu bibono byʼeZabbuli, nga mwiryanganamu amaani nʼomu nyembo egizwa omu Biwandiike, nʼomu biyiiye oMwoyo ebyabawa okuyiiya. Mwemberenge oMusengwa, nga musaalaania amagono nʼomwoyo gwanywe gwonagwona.

AbʼEbbulaniya 13:15

Kale tuwengeyo eeri oKibbumba esadaaka eyʼokumuwuuja, nga tugibitya mu Yesu, nga bulijo tubbutula tuti oKibbumba niiye oMusengwa.

AbʼEbbulaniya 4:9

Nʼolwekyo, okusinzirira ebintu ngʼowebiri, wakaali waliyo ekiwuumulo eeri abantu ba Kibbumba ekiri ngʼekyo iye ekiyawuumwire oku Saabbaato.