EZabbuli 9:9 - Bbaibbuli y'oLugwere

⁹ OMusengwa era niiye ekiirukiro kyʼabo abebagadya, niiye olugaga omu biseera byʼebigosi.

EZabbuli 9:9 ပူးပေါင်းရင်းမြစ်များ

EZabbuli 108:12

Otuwe obubbeeri okulwanisya omulabe oyo, olwʼokubba obubbeeri bwʼabantu tibugasa.

EZabbuli 142:4

Owendola aawo e gyendi mbona nga mpaawo anfaaku, era mpaawo awokwirukira okusuna obukuumi. Mpaawo afaayo oku bwomi bwange.

EZabbuli 18:2

OMusengwa niiye eibbaale lyange omuneebisa, niiye olugaga lwange era omununuli wange. OKibbumba wange, niiye eibbaale lyange omuneebisa, mwiye munjirukira okunkuuma. Era niiye engabo yange era niiye amaani agannunula, era niiye olugaga lwange.

EZabbuli 20:1

Nsaba oMusengwa airengemu okusabakwo ngʼoli omu bigosi. Era nsaba oKibbumba wa Yaakobbo akukuumenge.

EZabbuli 32:7

Niiwe ekiirukiro kyange, ondamya nga ndi omu bigosi abantu ni babbookooka enyembo olwʼokubba onnunwire.

EZabbuli 37:39

OMusengwa anunula abatuukirirye, era niiye olugaga lwabwe omu biseera ebyʼebigosi.

EZabbuli 46:1

OKibbumba niiye ekiirukiro kyaiswe era niiye amaani gaiswe, bulijo abbaawo okutubbeera omu bugosi.

EZabbuli 46:7

OMusengwa oWabwezye Bwonabwona ali na iswe. OKibbumba wa Yaakobbo niiye ekiirukiro kyaiswe.

EZabbuli 48:3

OKibbumba ali omu minaala egyʼekibuga ekyo, yeemanyikisirye nga niiye olugaga lwakyo.

EZabbuli 50:15

Onjetenge ngʼoli omu bigosi, nakununulanga, era nʼongulumalya.”

EZabbuli 62:8

Bantu bange, mwesigenge oKibbumba nabuli kiseera. Mumukoberenge niiye ebigosi byanywe byonabyona, olwʼokubba niiye ekiirukiro kyaiswe.

EZabbuli 67:5

Oo Kibbumba, oleke abantu bakuwuuje, oleke abantu bonabona bakuwuuje.

EZabbuli 7:9

Oo Kibbumba omutuukirirye, iwe akebera emyoyo nʼebiseego, okomye abantu ababbibabbi okukola ebikole ebibbibibbi, neye okuumenge abatuukirirye.

EZabbuli 96:10

Mukobere amawanga gonagona muti, “OMusengwa afuga.” Yateekere ekyalo omu kifo kyakyo, era tikyezya okuyuugayuugana. Yaliramula abantu mu bwenkanya.

EZabbuli 98:9

Oleke byembere omumaiso ga Musengwa, olwʼokubba aiza okusalira ekyalo omusango. Yalikubbembera abantu mu bwenkanya, era yaliramula abantu nga tiyeekubbira.

ENgero 18:10

OMusengwa, lugaga olwʼamaani, omutuukirirye omwairukira nʼasuna obukuumi.

Luuka 13:34

Awo oYesu nʼakunga oku lwʼabantu bʼe Yerusaalemi ati, “Inywe abantu bʼe Yerusaalemi, inywe omwita abanaabbi, era ni mwita nʼabantu oKibbumba ababatumira nga mubakubba nʼamabbaale! Emirundi mimeka egintakire okusolooja abaanabo ooti nkoko owaamaamira obumiyobwe omu biyayabye, neye nga timwikirirya?

AMateeka 33:27

OKibbumba atawaawo niiye ekiirukiro kyanywe, era ngalogye egyʼolubeereera niigyo egimpanirira. Yabbinganga abalabe baanywe nga wemutaabaala, nʼakoba ati, ‘Mubajigirice.’

AbʼEbbulaniya 6:18

Mwekyo oKibbumba ekiyakolere, mulimu ebintu bibiri ebitacuusika, era omwotoyezya kubbeyera, ekisuubizokye nʼekirayiro. Nʼolwekyo iswe abairukiire egyali okunoonia obutyami mwiye twiramu ino amaani okwekalangulira omu bukakafu bwʼokusuna ekyo ekitunuwirira okusuna.