EZabbuli 9:8 - Bbaibbuli y'oLugwere

⁸ Era yaliramula ekyalo mu butuukirirye, yalifuga amawanga gonagona mu bwenkanya.

EZabbuli 9:8 ပူးပေါင်းရင်းမြစ်များ

ENtandiika 18:25

Kyabba tikisa okukola otyo, iwe okwita abatuukirirye aamo nʼabakola ebikole ebibbibibbi, era okubitya abatuukirirye nʼabakola ebikole ebibbibibbi omu ngeri efaanana. Era mazima tiwakikola. Aale oMulamuzi wʼekyalo kyonakyona takola ekintu ekituuce?”

EZabbuli 10:16

OMusengwa iye Kabaka emirembe nʼemirembe. Era abanamawanga balijigirika ni bawa omu kyalokye.

EZabbuli 29:10

OMusengwa niiye afuga amataba, era iye ngʼoKabaka afuga emirembe gyonagyona.

EZabbuli 50:6

Eigulu lirangirira obutuukirirye bwa Kibbumba, olwʼokubba iye onanyere, mulamuzi.

EZabbuli 94:15

Okusalanga emisango omu butuukirirye kwaliirawo, bonabona abalongoole omu myoyo balikusiima.

EZabbuli 96:13

gyayembera omumaiso ga Musengwa, olwʼokubba aiza. Aiza okusalira ekyalo omusango. Yaliramula ekyalo mu bwenkanya, yaliramula abantu mu mazima.

EZabbuli 98:9

Oleke byembere omumaiso ga Musengwa, olwʼokubba aiza okusalira ekyalo omusango. Yalikubbembera abantu mu bwenkanya, era yaliramula abantu nga tiyeekubbira.

EZabbuli 99:4

OKabaka iye owabwezye, ataka bwenkanya. Wateekerewo enkola yʼokutamomola, era omwIsirairi okolere ekyo ekyʼobwenkanya era ekituuce.

OKuzwa 15:18

Musengwa wafuganga emirembe nʼemirembe.”

Bikole 17:31

Ekyo kityo olwʼokubba yasalirewo olunaku oluyalisaliraku ekyalo kyonakyona omusango omu bwenkanya, okubitira omu muntu iye onyere oguyeerondeire. OKibbumba okukakasa omumaiso gʼabantu bonabona ngʼoyo niiye eyalikola ekyo yalagire na kuzuukiza muntu oyo nago.”

Abʼe Looma 2:16

Kale, dala ngʼaMawuliro aMasa agendaabba owegakoba, kityo wekyalibba oku lunaku oKibbumba, okubitira omu Kurisito Yesu, oluyaliramuliraku ebiseego byʼabantu ebyʼomu kyama.