EZabbuli 9:14 - Bbaibbuli y'oLugwere

¹⁴ kaisi nkuwuujenge eeri abantu abʼomu Sayuuni, era nsangaalenge olwʼokunnunula.

EZabbuli 9:14 ပူးပေါင်းရင်းမြစ်များ

EZabbuli 106:2

Naani ayezya okubbutula ebyʼamaani byonabyona oMusengwa ebyakola, ooba okumuwuuja ekimala ngʼowaasaanira?

EZabbuli 13:5

Neye nze neesiga kisaakyo, najaagaananga olwʼokubba walinnunula.

EZabbuli 20:5

Awo twakubbanga olukero olwʼeisangaalo ngʼowangwire, era twajaagaananga olwʼobuwanguli omu liina lya Kibbumba. Era nsaba oMusengwa akuwenge byonabyona ebiwamusabanga.

EZabbuli 21:1

Oo Musengwa, okabaka asangaala olwʼokubba omuwa amaani. Ajaagaana, olwʼokumununula.

EZabbuli 22:22

Namanyikisyanga obukulu bwʼeriinalyo omu boluganda, era omu nkumbaana gyabwe nakuwuujanga.

EZabbuli 22:25

Nakuwuujanga omu nkumbaana enene. Natuukiriryanga obweyamo bwange egyoli, omumaiso gʼabo abakutya.

EZabbuli 35:18

Nakwebaliryanga omu nkumbaana enene. Nakuwuujiranga omumaiso gʼabantu abangi.

EZabbuli 35:9

Awo nasangaaliranga ebyo oMusengwa ebyakola, najaagaananga olwʼokunnunula.

EZabbuli 42:4

Omwoyo gwange gwizula enima oweneebukirya ebyʼeira, ngʼowenayabanga nʼekiyindi kyʼabantu, ni nabeekubbemberamu nga twaba omu nyumba ya Kibbumba, nga tuceera olwʼeisangaalo era tubbookooka okumuwuuja, omu kiyindi nga tujaguza.

EZabbuli 51:12

Onjirirye eisangaalo eryowa aboonunula, era ompe omwoyo ogukugondera.

EZabbuli 51:15

Oo Musengwa, oyasamye omunwa gwange, kaisi njezye okukuwuuja.

EZabbuli 6:3

Era obwomi bwange buli mu kugada okwʼamaani. Neye Musengwa, walituuca di okutandamya?

EZabbuli 75:9

Neye nze, nalangiriranga ebyakolere emirembe gyonagyona, nayembanga okuwuuja oKibbumba wa Yaakobbo.

EZabbuli 79:13

Awo iswe abantubo, entaama gyʼomu kiriisiryokyo, twakwebalyanga bulijo emirembe gyonagyona. Mulembe ku mulembe, twadeebereranga okukuwuuja.

OKuzwa 3:7

Awo oMusengwa nʼakoba ati, “Mboneire nakimo okugada kwʼabantu bange abali omu Misiri, era mpuliire okukunga kwabwe, nga basaba okubataasa abo ababakolesya obugalama. Era atyanu mmaite okugada okubalimu.

OKuzwa 3:9

Era mpuliire okukunga kwʼaBaisirairi, era mboine engeri aBamisiri egibabagadyamu.

Luuka 1:47

Era omwoyo gwange gusangaalira oKibbumba oMulokoli wange,

1 Samwiri 2:1

Awo oKaana nʼawuuja oMusengwa ngʼakoba ati, “OMusengwa aizwirye omwoyo gwange eisangaalo; oMusengwa ansuuciirye nakimo wʼamaani. Nsekerera abalabe bange, nsangaala olwʼokubba onnunwire.