EZabbuli 9:10 - Bbaibbuli y'oLugwere

¹⁰ Ibo abo abakumaite Musengwa bakwesiga, olwʼokubba abakunoonia tobalekesula.

EZabbuli 9:10 ပူးပေါင်းရင်းမြစ်များ

2 Samwiri 22:3

OKibbumba wange niiye eibbaale lyange omuneebisa, mwiye munjirukira okunkuuma. Niiye engabo yange, era niiye amaani agannunula. Niiye olugaga lwange, mwiye munjirukira okunkuuma era niiye omununuli wange, niiye annunula eeri abalabe bange.

EZabbuli 37:28

Ekyo kityo olwʼokubba oMusengwa ataka bwenkanya, era talekesula abamwesiga. Abakuuma emirembe gyonagyona. Neye eibyaire lyʼababbibabbi, balirijigirica.

EZabbuli 37:39

OMusengwa anunula abatuukirirye, era niiye olugaga lwabwe omu biseera ebyʼebigosi.

EZabbuli 5:11

Neye oleke bonabona abairukira egyoli okubakuuma basangaalenge, oleke bayembenge nʼeisangaalo bulijo. Era obukuumibwo bubabbengeku, awo-so abo bonabona abakutaka bajaagaanenge oku lulwo.

EZabbuli 57:1

Onkwatire ekisa Kibbumba wange, onkwatire ekisa olwʼokubba njirukira eeri niiwe okunkuuma. Nsuna obukuumi mu kiiriirye kyʼebiyayabyo paka entalo owegica.

EZabbuli 91:14

OKibbumba akoba ati, “Nalimununula olwʼokubba antaka. Era namukuumanga olwʼokubba angondera.

ENgero 18:10

OMusengwa, lugaga olwʼamaani, omutuukirirye omwairukira nʼasuna obukuumi.

Yokaana 17:3

Era ibwo obwomi obutawaawo obwo busunika mu ngeri eenu eti: Abantu bali nʼokukumanya niiwe oKibbumba wenkani onanyerenyeere, era nʼokumanya oYesu Kurisito oguwatumire okununula abantu.

2 Abʼe Kolinso 4:6

Ekyo kityo olwʼokubba oKibbumba eyalagiire ati, “Oleke ekitangaala kyake omu ndikiirya,” atyanu niiye ayakisya ekitangaala omu myoyo gyaiswe, olwʼokuleetera abantu okumanya bati ekitiisyakye kibonekera mu Yesu Kurisito.

2 Temuseewo 1:12

Era kagira ndamba nti ngʼabantu banjakanisya era nga bangadya. Neye era, ekyo tikinkwatisya nsoni naire, olwʼokubba mmaite ogunaikiriirye, era nkakasa nti ayezya okukuuma obwomi bwange obunamubisisirye paka oku lunaku ludi olwʼenkomerero.

1 Yokaana 2:3

Era owetugondera ebiragiro bya Kibbumba, okwo kututegeereraku nga dala tumumaite.

1 Yokaana 5:20

Era tumaite tuti oYesu oMwana wa Kibbumba yaizire era nʼatutegeeresya, kaisi twezye okumanya oKibbumba iye oyo owʼamazima. Era tuli nʼenkolagana nʼoyo iye owʼamazima, tete ni tubba nʼenkolagana nʼoMwanawe oYesu Kurisito yena. Iye oyo nago niiye ogututegeereraku oKibbumba owʼamazima, era niiye agaba obwomi obutawaawo.