EZabbuli 86:3 - Bbaibbuli y'oLugwere

³ Oo Musengwa, onkwatire ekisa olwʼokubba nkwekungirira okumalaku olunaku.

EZabbuli 86:3 ပူးပေါင်းရင်းမြစ်များ

EZabbuli 25:5

Onnungamye omu mazimago era oganjegesye olwʼokubba niiwe oKibbumba omununuli wange, era eisuubi lyange libba mu niiwe okumalaku olunaku.

EZabbuli 4:1

Oo Kibbumba iwe omulwaniriri wange, owenkusaba onjiremu! Owenabbaire omu bigosi, wambeereire. Atyanu onkwatire ekisa, era owulire okusaba kwange.

EZabbuli 41:5

Abalabe bange batumula nga basairirya bati, “Yalifa di ni bamwerabira?”

EZabbuli 55:17

Eigulo nʼamakeezi nʼomusana neezulugumanga ni nkuukulya, nʼawulira eigono lyange.

EZabbuli 56:1

Oo Kibbumba onkwatire ekisa, olwʼokubba abantu bannumba. Okumalaku olunaku lwonalwona, abalabe bange banjiigania.

EZabbuli 57:1

Onkwatire ekisa Kibbumba wange, onkwatire ekisa olwʼokubba njirukira eeri niiwe okunkuuma. Nsuna obukuumi mu kiiriirye kyʼebiyayabyo paka entalo owegica.

EZabbuli 88:10

Ebyewunyo obikolera bafu? Abafu bazwa e magombe ni bakuwuuja?

EZabbuli 88:2

Oleke okusaba kwange kutuuke egyoli. Ontegere ekitwi nga nkwekungirira.

EZabbuli 88:9

Amaiso gandoolere olwʼenima. Oo Musengwa, nabuli lunaku nkusaba okumbeera. Nsiirya engalo gyange egyoli nga nkwegairira.

Luuka 18:7

Neye iye oKibbumba tiyalisala omusango ngʼataasa abeyalonderemu ibo abo abamusaba omusana nʼobwire? Yalirwawo ino okubairamu?

Luuka 2:37

Okuzwa olwo yabbaire yankumala emyanka 84 nga namwandu. Omukali oyo tiyaazwanga omu Yeekaalu. Omusana nʼobwire yaabbanga mu kuweererya Kibbumba nʼomu kumwegairira, era ngʼasiiba.

AbʼEfeeso 6:18

Bulijo musabenge oKibbumba ngʼoMwoyo oweyabalungamyanga, nga mwegairira obutalekera era nga mukolesya okusaba okwa buli ngeri. Kale omu ngeri eyo mubbenge bʼeiganyi era musabirenge abatuukirirye bonabona.