EZabbuli 83:3 - Bbaibbuli y'oLugwere

³ Basala enkwe omu lukuujukuuju okulumba abantubo. Bateesa okukola akabbikabbi oku bantubo abootaka eino.

EZabbuli 83:3 ပူးပေါင်းရင်းမြစ်များ

EZabbuli 10:9

Yeebisirira ooti mpologoma aali nʼekyagonereire omu kigona, nʼakuuma okukwata onambulaku obubbeeri. Akwatisya onambulaku obubbeeri era nʼamukulukuusa ngʼali omu lutuulalwe.

EZabbuli 2:1

Lwaki abanamawanga beediima, era lwaki abantu basala enkwe eginambulamu?

EZabbuli 27:5

Ekyo kityo olwʼokubba omu biseera ebigosi yankuumiranga kusani e gyabba, era yambisanga omu Yeekaaluye, nʼanteeka e ngulu okwibbaale eriwanvu.

EZabbuli 31:20

Iwe obabisa e gyobba, nʼobalamya enkwe gyʼabantu. Obakuumira nakusani eeyo e gyobba, nʼobalamya ebizumi byʼabalabe baabwe.

EZabbuli 56:6

Beekumbaania awabise, ni bakeeta entambula yange nga bankiiya.

EZabbuli 64:2

Onkuume eeri enkwe gyʼababbibabbi, era ondamye eeri ekiziima kyʼababbibabbi abo.

EZabbuli 91:1

Nabuli ayaba eeri oNambulaku aMwagaagana okusuna obukuumi, nabuli eyaabbanga omu bukuumi bwʼoyo oWabwezye Bwonabwona,

OKuzwa 1:10

Atyanu tubasalire amalabuki, kaisi tibeeyongera obungi. Ekyo kityo olwʼokubba singa abalabe baiswe batanula olutalo okutulwanisya, aBaisirairi abo bayinza okubeeyimbyaku ni batulwanisya kaisi awo ni batwirukaku okuzwa omu Misiri.”

Abʼe Kolose 3:3

Ekyo kityo olwʼokubba inywe mwafiire, era obwomi bwanywe obwʼomu mwoyo babubisire egiri oKurisito omu Kibbumba.

1 Samwiri 13:19

Omu kyalo kyʼe Isirairi kyonakyona nga toyagiryamu omuyeesi, olwʼokubba aBafirisuuti bakobere bati, “ABeebbulaniya bademba ni beeyesera empiima ooba amasimo.”