EZabbuli 83:2 - Bbaibbuli y'oLugwere

² Obone abalabebo ngʼobwebali kwegugunga, abo abakucaawa ngʼobwebali kwediima.

EZabbuli 83:2 ပူးပေါင်းရင်းမြစ်များ

EZabbuli 109:1

Oo Kibbumba, iwe ogumpuuja, tiwasirika-busiriki,

EZabbuli 74:23

Tiweerabira ocerete wa balabebo, okereere waabwe owa buli kiseera.

EZabbuli 74:4

Abalabebo bakubbiire olukero omu kifookyo e gitukusisinkanira, ni bateekamu ebbendera gyabwe, okulaga bati bawangwire.

EZabbuli 81:15

“Abo abacaawa oMusengwa bandinyolokokeire omumaisoge, era ekibonerezo kyabwe kyandibbaire kyʼemirembe gyonagyona.

EZabbuli 93:3

Oo Musengwa, amaizi gʼomu nyanza geedumbya, enyanza ewooga, enyanza esetwire amayengo gaayo.

Matayo 27:24

Awo oPiraato oweyaboine nga bimukaisirye, era nʼabantu nga bataka kwediima, nʼakwata amaizi, era nʼanaaba omu ngalo omumaiso gʼekiziima kyʼabantu nga waakoba ati, “Nze mpaawo kibanvunaana oku kwita omusaiza oyo. Neye kigosi kyanywe.”

Bikole 16:22

Awo ekiziima kyʼabantu ababbaire bayoolookere okwiza egibali bona ni beeyunga kwabo ababbaire bakubba oPawulo nʼoSiira. Abalamuzi ni balagira abaisirikale batoolemu oPawulo nʼoSiira ebizwalo byabwe kaisi babakubbe emiigo.

Bikole 17:5

Neye aBayudaaya abasigairewo ni bakwatira oPawulo nʼoSiira engongi. Nʼolwekyo ni basolongayo abantu abʼemyoyo emibbimibbi abayenjerera omu sokooni, ni beerya ekiziima. Olwo ni babacoolesya, ni batandiika okwediimira omu kibuga. Awo ni baalamuka ni balumba ekisito kya Yasoni oPawulo nʼoSiira omu babbaire bacaire, bati babaleete omu bʼobwezye bʼekibuga ekyo babawozesye.

Bikole 21:30

Awo abantu kumpi ooti bonabona omu kibuga owebawuliire olukero ni beeguluula okwiruka okwaba oku Yeekaalu. Owebatuukire ni bakwata oPawulo, ni bamukinkinuca okumuwuluca e nza wʼoluuga lwʼeYeekaalu. Era owebamalire ekyo, mangu ino ni baigalawo amageeti.

Bikole 22:22

Ekiziima kyʼabantu babbaire bakaali basirikire bawulisisya oPawulo paka oweyaguunyire kwekyo. Awo kaisi ni baasyamika ino bati, “Mumututoolerewo oku kyalo! Oyo omuntu mwite-bwiti! Oyo tasaaniire kubba mwomi kadi!”

Bikole 23:10

Empaka owegyabitiriire, omuduumiri wʼabaisirikale nʼatya ati demba abantu abo ni banyiiranyiiramu oPawulo. Kale nʼalagira abaisirikale baserengete okwaba omu kifo olukiiko egirwabbaire lutyaime, bamubatooleku kifubba, bamwiryeyo omu kigo.

ABalamuzi 8:28

ABaisirairi bawangwire aBamidiyaani era aBamidiyaani nandi ni bairamu amaani tete okulwana. Ekyalo ni kibba mwidembe okumala emyanka 40, paka oGidyoni oweyafiire.