EZabbuli 81:11 - Bbaibbuli y'oLugwere

¹¹ “Neye abantu bange kadi kumpulisisya, oIsirairi kadi kungondera.

EZabbuli 81:11 ပူးပေါင်းရင်းမြစ်များ

OKuzwa 16:6

Kale oMusa nʼAlooni ni bakoba aBaisirairi bonabona bati, “Olwatyanu eigulo mwamanya muti, oMusengwa niiye eyabatoire omu kyalo kyʼe Misiri.

OKuzwa 20:2

“Nze ninze oMusengwa iye oKibbumbawo eyakutoire omu kyalo kyʼe Misiri e giwabbaire omu bugalama.”

OKuzwa 32:1

Awo abantu owebaboine ngʼoMusa alwirewo okwira okuzwa oku lusozi, ni bakumbaanira e giri Alooni, ni bamukoba bati, “Titumaite ekyatuukire oku musaiza onu oMusa eyatutoire omu kyalo kyʼe Misiri. Kale otukolere ebifaananyi ebyʼokusinza ebyʼabakibbumba abatwekubbemberangamu.”

OKuzwa 6:6

“Nʼolwekyo okobere aBaisirairi oti mbakoba nti, ‘Ninze oMusengwa, era nalibanunula ni mbalamya aBamisiri okubagadya, nʼokubba abagalama baabwe. Era nalikolesya obwezye bwange, ni mbonereza ino aBamisiri, ni mbanunula inywe.

ENgero 1:30

ngʼowebataikiriirye okulungamya kwange, era ni banyooma okunenya kwange,

Luuka 11:25

Kale owegukanga gwaja omuntu oyo ngʼateereire nakusani era ngʼali ooti nyumba enjeye era entegeke nakusani,

AMateeka 32:15

“ABaisirairi ni bagaigawala, neye ni bajeemera oKibbumba; baliire nakusani era ni bageizageizana, Bazwire oku Kibbumba waabwe eyababbumbire, ni bagaana oyo eIbbaale omu beebisa ni basuna obununuli.

AMateeka 32:18

Bazwire oku Kibbumba eYababbumbire; beerabiire oyo iye eIbbaale eryʼaMaani omu beebisa, era iye onanzwa wʼobwomi bwanywe.”

AMateeka 5:6

“ ‘Nze ninze oMusengwa iye oKibbumbawo eyakutoire omu kyalo kyʼe Misiri e giwabbaire omu bugalama.’ ”

AbʼEbbulaniya 10:29

Nʼolwekyo nʼomuntu atalyanguka oMwana wa Kibbumba, atyo omusaaye ogwʼendaagano ogwamutukwirye, nʼalitwala ngʼogutali mutukulye, era nʼazumirira oMwoyo atulaga ekisa, museega muti tiyalisaanira ekibonerezo ekikirawo obukambwe?