EZabbuli 81:10 - Bbaibbuli y'oLugwere

¹⁰ Ninze oMusengwa, oyo oKibbumba waanywe, eyabatoire omu kyalo kyʼe Misiri. Mwasamye eminwa gyanywe, era nagiizulya.

EZabbuli 81:10 ပူးပေါင်းရင်းမြစ်များ

EZabbuli 107:9

Ekyo kityo olwʼokubba abo abali enyonta, iye agibamalaku era aikutya abanzalwa nʼebintu ebisa.

OKuzwa 20:2

“Nze ninze oMusengwa iye oKibbumbawo eyakutoire omu kyalo kyʼe Misiri e giwabbaire omu bugalama.”

OKuzwa 20:3

“Tiwasinzanga abakibbumba abandi okutoolaku Nze.”

Yokaana 15:7

Neye owemubba ekintu ekimo na nze, era ni musigala nga mukolera oku bibono ebimbakoba, mwezya okusaba kyonakyona ekimutaka era oKibbumba yakibawanga.

Yokaana 16:23

Era ekiseera ekyo owekyalituuka mwalibbanga tete mpaawo ekimunsaba. Cooka mbakobera amazima nti oBbaabba yalibba ngʼabawa buli ekimumusaba omu liina lyange.

Yokaana 7:37

Oku lunaku olusembayo era nga niirwo olukira obukulu oku Mukolo ogwʼoBusiisira, oYesu nʼayemerera, era nʼatumula maaminkirira ati, “Buli muntu enyonta ogweruma, aize egyendi anywe.

AMateeka 5:7

“ ‘Tiwasinzanga abakibbumba abandi okutoolaku Nze.’ ”

Yoswa 24:14

“Aale atyanu mutyenge oMusengwa, era mumuweereryenge nʼobwesigwa bwonabwona. Era mutoolerewo nakimo ebifaananyi ebyʼokusinza ebyʼabakibbumba abazeiza baanywe abebasinzanga okwitale wʼomwiga Ewufulaate nʼomu Misiri, era muweereryenge Musengwa yenkani.

Yoswa 24:23

OYoswa nʼakoba ati, “Aale atyanu mumume eedi ebifaananyi ebyʼokusinza ebyʼabakibbumba abali mwinywe abʼamawanga agandi. Mucuusire nakimo emyoyo gyanywe okugiirya eeri oMusengwa iye oKibbumba wa Isirairi.”

Kubiikula 21:6

Nʼankoba ati, “Ebintu binu byonabyona atyanu mbikakasa! Ninze Alufa era Omega, oyo eNtandiika era eNkomerero eyʼebintu byonabyona. Buli aali nʼenyonta nalimugabira amaizi agʼobwomi obutawaawo nʼanywa.

Kubiikula 22:17

OMwoyo oMutukulye era nʼabaikirirya aba Yesu, abo nga niibo oMugolewe, bakoba bati, “Oize, Musengwa waiswe oYesu.” Kale buli awulira ebibono ebiri omu kitabo kinu akobe ati, “Oize, Musengwa waiswe oYesu.” Nabuli muntu enyonta eyʼomu mwoyo ogweruma aize, era buli ataka amaizi agʼobwomi, aikirirye okugasuna anambula kusasula.