EZabbuli 78:8 - Bbaibbuli y'oLugwere

⁸ Tibaabbanga ooti bazeiza baabwe abʼomulembe omukakanyali era omujeemu. Emyoyo gyabwe tigyagondeire oKibbumba, era nga tibeesigwa egyali.

EZabbuli 78:8 ပူးပေါင်းရင်းမြစ်များ

EZabbuli 106:7

Abazeiza baiswe nga bali e Misiri, tibafiireyo okwebukirya ebyamagero ebiwakolere. Tibayebukiirye okutakakwo okutakoma, wazira bajeemere owebatuukire oku nyanza entukuliki.

EZabbuli 68:6

OKibbumba awa abanambulaku abantu baabwe, ebisito. Atoola abasibe omu mabbuusu, ni babba omwidembe. Neye abajeemu babba mu kyalo ekikalu.

EZabbuli 78:37

Tibabbaire beesigwa egyali, tibakuumire endagaanoye.

EZabbuli 78:40

Emirundi mingi egibamujeemeire omwidungu, era ni bamusunguwalirya omwidungu.

EZabbuli 78:56

Neye era ni bagezesya oKibbumba era ni bajeemera oyo oNambulaku aMwagaagana. Tibakwaite ebiragirobye.

OKuzwa 32:9

Awo oMusengwa nʼakoba oMusa ati, “Abantu abo mbaboine nga bajeemu.

OKuzwa 33:3

Mwabe omu kyalo ekiizwire amata nʼomujenene. Neye nze tinaabirane na inywe, demba ni mbajigiricirya omu nzira, olwʼokubba muli bajeemu.”

OKuzwa 33:5

Ekyo kityo olwʼokubba oMusengwa yabbaire akobere oMusa ati, “Okobe aBaisirairi oti, ‘Muli bajeemu. Singa mbaire wʼokwabirana na inywe waire akaseera akatono, nandibajigiricirye. Kale atyanu mweyambulyeku ebyʼamajolobero, kaisi mbone ekinabakolera.’ ”

OKuzwa 34:9

OMusa nʼakoba ati, “Oo Musengwa Kibbumba, obwemba nga ndi mukoda egyoli, nkwegairira oyabe na iswe. Waire abantu banu bajeemu, neye otusoniye okwonoona kwaiswe nʼebibbibibbi byaiswe, era otwikirirye tubbe bantu ababo okububwo.”

Bikole 11:23

OBbalunaba oyo yabbaire musaiza omusa eino ayabira oku kulungamya okwʼoMwoyo oMutukulye era aizwire okwikirirya. Oweyatuukire omwAntiyokiya, yena ni yeeboneraku ngʼoKibbumba owaalagire abantu abo ekisa, nʼabba musangaali ino. Atyo nʼabasisiitira bonabona okubba bamaliriri omu myoyo gyabwe okukalangukira oku kwikiririrya omu Musengwa nʼomwoyo gumo. Abantu abandi bangi kwabo abamuwuliire ngʼatumula nʼebiyakolere bona ni baikirirya aMawuliro aMasa, ni baira eeri oMusengwa.

Bikole 7:51

OSitefaano ni yeeyongera ati, “Bantu inywe abajeemu, abʼemyoyo e giri ooti gyʼabataikiririrya omu Kibbumba, era enkusyali egitawulisisya ebibono bya Kibbumba! Muli ooti bazeiza baanywe, olwʼokubba bulijo mugaana okugondera oMwoyo oMutukulye!

AMateeka 31:27

Ekyo kityo olwʼokubba mmaite ngʼowebali bajeemu era abakakanyali. Neye ooba nga bajeemeirenge oMusengwa nʼolwatyanu nga nkaali mwomi, nga ndiwo nabo, neye leero balikomya yaina okumujeemera nga mmalire okufa!

AMateeka 4:4

neye inywe nywenanywena ababbaire abeesigwa eeri oMusengwa iye oKibbumba waanywe, mukaali boomi nʼolwatyanu.”

AMateeka 9:13

“OMusengwa ni yeeyongera okunkoba ati, ‘Mboine ngʼabantu banu bajeemu.

AMateeka 9:24

Mwabire nga mujeemera oMusengwa kasookeede mbamanya.”

Yoswa 22:15

Baabire eeri ekika kya Lubbeeni nʼekika kya Gaadi, nʼekimo kyokubiri kyʼekika kya Manase omu kyalo kyʼe Gireyaadi ni babakoba bati,

1 Samwiri 8:8

Okusinzirira oku bintu ebibaabire nga bakola, okuzwa oku lunaku owenabatooleire e Misiri paka nʼolwatyanu, nga banzwaku era ni baweereryanga abakibbumba abandi, wena kibali kukukola.