EZabbuli 78:71 - Bbaibbuli y'oLugwere

⁷¹ Yabbaire azwa ku kuliisya ntaama egyonkesya, nʼamutoolayo alabirirenge eibyaire lya Yaakobbo, ibo oIsirairi abantube okububwe.

EZabbuli 78:71 ပူးပေါင်းရင်းမြစ်များ

ENtandiika 33:13

OYaakobbo nʼamukoba ati, “Musengwa wange, omaite ngʼabaana bakaali batobato ate nga ndi nʼokulabirira entaama nʼente egyonkesya. Owenagyanguwisya okumala olunaku olulamba, ebisolo byonabyona ebyo byafa.

2 Samwiri 20:19

Ekibuga kyaiswe kinu kikulu ino omwIsirairi era kimo kwebyo ebikirira nakimo okubba ebyʼeidembe era ebirimu abantu abʼeigonda. Lwaki otaka okujigirica ekibuga kya Musengwa?”

2 Samwiri 24:17

ODawudi oweyaboine omalaika eyabbaire aita abantu, oDawudi nʼakoba oMusengwa ati, “Ninze enakolere ekikole ekibbikibbi, dala ni nnyonoona, neye abantu banu abanambulaku ekyokubanenya ooti ntaama, bakolere niki? Nkwegairiire, ombonereze ninze nʼabʼomu nyumba eya bbaabba.”

2 Samwiri 5:2

Omu biseera ebyʼeira oSawulo nga niiye okabaka waiswe, niiwe owakubbemberanga aBaisirairi omwitaabaalo. Era oMusengwa yakukobere ati, ‘Iwe walikubbembera abantu bange aBaisirairi, era iwe walibafuga.’ ”

2 Samwiri 7:8

“Nʼolwekyo, okobe omuweererya wange oDawudi oti, oMusengwa oWabwezye Bwonabwona akoba ati, ‘Nakutoire oku gwʼokuliisyanga entaama omu kigona, ni nkusuuca omwekubbemberi wʼabantu bange aBaisirairi.

EZabbuli 28:9

Onunule abantubo! Owe abantubo okububwo enkabi. Niiwe obbe omulabiriri waabwe, era ngʼobalera emirembe gyonagyona.

Matayo 2:6

‘Inywe abantu bʼomu kibuga e Bbeserekeemu ekyʼomu Buyudaaya, ekibuga kyanywe tiniikyo ekisembayo okubba ekyʼekitiisya omu Buyudaaya, olwʼokubba mwikyo mwalizwamu omufugi, iye yakubbemberanga abantu bange abʼe Isirairi.’ ”

1 Peetero 5:2

Dala nze mbakoba nti, mulabirirenge abaikirirya abo oKibbumba ababakwatisya, nga muli ooti baliisya owebalabirira ebiraalo byabwe ebyʼentaama. Era muweereryenge ngʼabalabirizi, ekikoba kiti, nga tirwakubaazya, neye nga mukutaka kwanywe, omu ngeri eyo iyo oKibbumba egyataka mubbeemu. Era timululunkaniranga mpiiya, wazira mubbenge bantu abayayaanira kuweererya.

1 Samwiri 10:1

Awo oSamwiri nʼakwata akacupa kʼamafuta gʼomuzaituuni, nʼagasuka oku mutwe gwa Sawulo, nʼamugwa omu kifubba, ngʼamukoba ati, “OMusengwa akusukaku amafuta okubba mwekubbemberi wʼabantube aBaisirairi.