EZabbuli 78:6 - Bbaibbuli y'oLugwere

⁶ Abʼomulembe ogwaliirawo olwo kaisi bagamanyenge, nʼabaana bona abebakaali kubyala era bona bagamanyikisye abaana baabwe.

EZabbuli 78:6 ပူးပေါင်းရင်းမြစ်များ

Eseza 9:28

Era basalirewo bati enaku egyo bagyebukiryenge era bagikulyenge mu buli mulembe, na mu buli kisito, na mu buli itwale, na mu buli kibuga. Era bati enaku egyo egya Pulimu bali nʼokutagitoolawo naire omu Buyudaaya, waire okulekeraawo okugikulyanga paka mu bʼeibyaire lyabwe.

EZabbuli 102:18

Oleke kinu bakiwandiikire abʼomulembe ogwiza, kaisi awo kibbe kiti, nʼabebakaali okubyala baliwuuja oMusengwa:

EZabbuli 145:4

Abʼomulembe ogundi balisiijirya abʼomumulembe ogwiraku ebyakola, balibalonserya ebyamaani ebyakola.

EZabbuli 22:31

Abantu abo balikobera abebakaali okubyala, ngʼoKibbumba owaanunula abatuukiriryebe.

EZabbuli 48:13

Mwetegereze ebikomera byakyo, mwetegereze engaga gyakyo, mwezye okulonserya abʼomulembe ogwaliirawo.

EZabbuli 71:18

Newankubbaire nga nkairiire ndi kinvinvi, Kibbumba tiwandekesula, paka owenamanyikisya abʼomugigi ogwiraku amaanigo, nʼobwezyebwo eeri abo bonabona abaliirawo.

EZabbuli 90:16

Otuganye iswe abaweereryabo tubone ebikolebyo ebyʼamaani, nʼabaizukulu baiswe bona babone ekitiisyakyo.

OKuzwa 10:2

Era kaisi mwezye okukobera abaana nʼabaizukulu baanywe engeri eginsuucirye aBamisiri okuboneka ngʼabasirusiru owenkolere ebyewunyo omumaiso gaabwe. Era kaisi nywenanywena mumanye nga Ninze oMusengwa.”

AMateeka 4:10

Mwebukirye olunaku olumwabbeereire omumaiso ga Musengwa iye oKibbumba waanywe oku lusozi oKolebbu, oweyankobeire ati, ‘Okumbaanirye abantu e gyendi, bawulire ebibono byange kaisi bayezye okwega okuntyanga enaku gyonagyona egyʼobwomi bwabwe oku kyalo, era bayezye okubisomesyanga nʼabaana baabwe.’