EZabbuli 78:5 - Bbaibbuli y'oLugwere

⁵ Yawaire abaizukulu ba Yaakobbo ebiragiro, nʼateeka amateeka oMwisirairi. Yalagiire abazeiza baiswe bageegesyenge abaana baabwe.

EZabbuli 78:5 ပူးပေါင်းရင်းမြစ်များ

ENtandiika 18:19

Era kagira mmulondere, kaisi ayezye okulungamya abaanabe nʼabaizukulube abaliirawo okungonderanga nze oMusengwa nga bakola ebyobutuukirirye nʼebyʼobwenkanya. Olwo kaisi nze oMusengwa mpezye okumukolera ebinamusuubizire.”

EZabbuli 119:152

Eira nayegere ebiragirobyo, ni mmanya nti wabiteekerewo kubbeerererawo emirembe gyonagyona.

EZabbuli 147:19

Abiikulira oYaakobbo ekibonokye, Amanyikisya aBaisirairi amateekage nʼebiragirobye.

EZabbuli 19:7

Eiteeka lya Musengwa lituukirirye, liirya omu myoyo gyaiswe amaani. Ebiragiro bya Musengwa byesigika, bigeziwalya abula amalabuki.

EZabbuli 81:5

OKibbumba oweyalumbiire ekyalo kyʼe Misiri, yalisuucirye iteeka eeri oYusufu. Ni mpulira olutumu oluntategeera nga lukoba luti:

OKuzwa 12:27

Mwabairangamu muti, ‘Niiyo esadaaka eyʼoMukolo ogwʼoKutambukirya kwa Musengwa. Ekyo kityo olwʼokubba yatambukiirye enyumba gyʼaBaisirairi omu Misiri, oweyabonerezeire aBamisiri, neye nʼatambukirya ebisito byaiswe.’ ” Awo aBaisirairi ababbaire aawo ni bakotamya emitwe gyabwe ni basinza oMusengwa.

OKuzwa 25:16

Awo kaisi oteeke omu Sanduuku yʼeNdagaano ebipande ebyʼamabbaale ebinakuwa, okumpandiikire amateeka.

OKuzwa 25:21

Era ebipande ebyʼamabbaale ebinakuwa, ebimpandiikireku amateeka, wabiteeka mu sanduuku eyʼeNdagaano, kaisi nʼogisaanikaku ekisaanikiro kyayo.

OKuzwa 40:20

Era nʼatoola ebipande ebibiri ebyʼamabbaale, ebyabbaire biwandiikeku amateeka ga Kibbumba, nʼabiteeka omu Sanduuku eyʼeNdagaano. Nʼateeka emirabba emigingiro omu mikobyo gyʼeSanduuku yʼeNdagaano, kaisi oku Sanduuku eyo nʼateekaku ekisaanikiro kyaku iyo entebe ya Kibbumba onanyere okusaasira.

OKuzwa 40:3

Era waligiteekamu eSanduuku yʼeNdagaano, nʼosibawo olutimbe okugikingulya.

Abʼe Looma 3:2

Ala kigasira nakimo era mu buli ngeri! Engeri esookera nakimo niiyo eenu eti, aBayudaaya niibo oKibbumba abeyakwatisirye ebibono ebirimu obukwendabwe.

AbʼEfeeso 6:4

Na inywe abaiteeye bʼabaana timwanyiigisyanga abaana baanywe, wazira mubakulyenge kusani ni mubatendeka omu mpisa oMusengwa egyasiima.

AMateeka 11:19

Mubisomesyenge abaana baanywe. Mubitumulengeku nga muli e ika, era nga mutambula omu ŋŋendo, nga mulambaire, era nga musetukire.

AMateeka 31:13

Omu ngeri eyo, abaana baabwe abalibba tibamanyangaku aMateeka ga Musengwa iye oKibbumba waanywe, bayezye okugawulira nʼokwega okumutyanga enaku gyonagyona egimwalibba omu kyalo ekimwaba okwetwalira nga mwambukire oMwiga oYoludaani.”

AMateeka 32:46

nʼabakoba ati, “Muteekeyo emyoyo oku bibono byonabyona ebimbakobeire olwatyanu. Mubisomesyenge abaana baanywe, bafengeyo okutuukiriryanga byonabyona amateeka ganu ebigalagira,

AMateeka 4:45

Binu niibyo ebyokulungamya, nʼebiragiro, nʼamateeka oMusa ebiyawaire aBaisirairi owebazwire omu Misiri.

AMateeka 6:7

Mwebukiryenge okugasomesyanga nakusani abaana baanywe, mugatumulengeku nga muli e ika, era nga mutambula omu ŋŋendo, nga mulambaire, era nga musetukire.