EZabbuli 76:7 - Bbaibbuli y'oLugwere

⁷ Niiwe ogubali nʼokutyanga. Naani ayezya okwemerera omumaisogo ngʼosunguwaire?

EZabbuli 76:7 ပူးပေါင်းရင်းမြစ်များ

EZabbuli 130:3

Oo Musengwa, singa otubalira ebikole byaiswe ebibbibibbi, naani eyandiwunukire omusango?

EZabbuli 2:12

Mukotamye emitwe omumaiso gʼomwanawe okumuwa ekitiisya, nga bbe, yasunguwala nʼabajigirica mangu. Ekyo kityo olwʼokubba obulwabwe tibulwa okusetuka. Neye bʼenkabi abo bonabona abairukira egyali okubakuuma.

EZabbuli 89:7

Omu lukiiko lwʼabatukulye omwigulu oKibbumba bamutyera nakimo ino, wʼentiisya okukiraku bonabona abamweruguuliriirye.

EZabbuli 90:11

Naani amaite amaani gʼobusungubwo, nʼobulwabo obuzweraku ni bakutya?

OKuzwa 15:1

Awo oMusa nʼaBaisirairi ni bembera oMusengwa olwembo lunu bati, “Nayemberanga oMusengwa, olwʼokubba awanguliire nakimo ino abalabebe! Embalaasi nʼabagityamaku abidyakire omu nyanza.

OKuzwa 15:4

Adyakire omu nyanza ebigaali bya Falaawo nʼamajeege. Abaisirikale abakugu omu maje ga Falaawo oKibbumba abaitiire omu Nyanza eNtukuliki!

Matayo 10:28

Era timutyanga abo abaita mubiri gwonkani, neye nga tibayezya okwita omwoyo. Wazira mutyenge Kibbumba iye ali nʼobwezye okujigirica byonabyona, omwoyogwo nʼomubirigwo omu geyeena.

1 Abʼe Kolinso 10:22

Aale owetukola tutyo, olwo titubba tusetula busungu bwa Musengwa iye oKibbumba? Inywe museega muti tuli nʼamaani okumukiraku?

Kubiikula 14:7

Nʼakoba nʼeigono eryaminkirira ati, “Mutye oKibbumba, era mumuwe ekitiisya olwʼokubba ekiseera kituukire asale omusango. Mumusinze oyo eyabbumbire eigulu, nʼekyalo, nʼenyanza, nʼensulo egyʼamaizi.”

Kubiikula 15:4

Musengwa, naani dala atalikutya era ataliwa eriinalyo ekitiisya! Iwe wenkani niiwe oMutukulye. Abantu abʼamawanga gonagona baliiza ni bakusinza omumaisogo, olwʼokubba ebikolebyo ebyobutuukirirye byeraga mulwatu.”