EZabbuli 76:10 - Bbaibbuli y'oLugwere

¹⁰ Dala obusungu bwʼabantu bwongera kukuweesya kitiisya. Abo abawunuka obusungubwo kibaleetera kwegendereza.

EZabbuli 76:10 ပူးပေါင်းရင်းမြစ်များ

ENtandiika 50:20

Inywe mwagendereire okunkola akabbikabbi, neye oKibbumba nʼakisuucaamu kintu ekisa atyanu okulamya obwomi obwʼabantu abangi.

EZabbuli 104:9

Wagateekeirewo ensalo e gigatayezya kubandya; okutairangayo tete okutaabaala oku kyalo.

EZabbuli 12:6

Ebisuubizo bya Musengwa byesigwa, biri ooti feeza egibakenenere nga bagibitya omu kikoomi kyʼomusyo, ni bagikengeiza emirundi musanvu.

EZabbuli 46:6

OKibbumba atumula nʼeigono eryata amatwi ooti kubbwatuka kwʼeraadu, amawanga ni geesisiwala, obwakabaka ni bugwa, ekyalo ni kinyolokoka.

EZabbuli 65:7

Osirica okuwooga kwʼenyanza, era okuwooga kwʼamayengo gaayo. Osirica okwediima kwʼamawanga.

EZabbuli 82:8

Oo Kibbumba, osetuke olamule ekyalo, olwʼokubba amawanga gonagona gago ku bubwo.

OKuzwa 18:11

Atyanu ntegeire ngʼoMusengwa obwali owʼamaani okukiraku abakibbumba abandi bonabona, olwʼokubba yanunwire abantu abo omu bufugi bwʼaBamisiri ababbaire babajolonga.”

Matayo 24:22

Era singa oKibbumba tiyakendeiryeku-bukendeeri enaku egyo egyʼokugada, tiwankulamirewo omuntu kadi moiza. Neye olwʼabalondemube, enaku egyo yagikendeiryeku.

Yokaana 19:22

Awo oPiraato nʼabairamu ati, “Ekyo ekyendagiire nti bawandiike kiri nʼokubba kinyere ekyo.”

Abʼe Looma 9:17

Ngʼekyokuboneraku, omu Biwandiike, oKibbumba akoba oFalaawo ati, “Nakuniinirye oku bukulu nʼekigendererwa kiti nkukolesye okulaga obwezye bwange nʼokumanyikisya eriina lyange omu kyalo kyonakyona.”

Kubiikula 11:18

Abantu abataikirirya basunguwaire ino; neye nʼobusungubwo bwizire. Ekiseera kituukire okusalira abafu omusango, nʼokuwa empeera abaweereryabo abanaabbi, nʼabatuukirirye bonabona abakuwa ekitiisya abatobato nʼabakulu. Era ekiseera kituukire okulikirya abo abajigirica ekyalo.”