EZabbuli 75:3 - Bbaibbuli y'oLugwere

³ Ekyalo owekitengeeta nʼabantu bonabona abakirimu ni batukuta, ninze ngumya empango gyakyo.

EZabbuli 75:3 ပူးပေါင်းရင်းမြစ်များ

ENtandiika 18:25

Kyabba tikisa okukola otyo, iwe okwita abatuukirirye aamo nʼabakola ebikole ebibbibibbi, era okubitya abatuukirirye nʼabakola ebikole ebibbibibbi omu ngeri efaanana. Era mazima tiwakikola. Aale oMulamuzi wʼekyalo kyonakyona takola ekintu ekituuce?”

2 Samwiri 5:2

Omu biseera ebyʼeira oSawulo nga niiye okabaka waiswe, niiwe owakubbemberanga aBaisirairi omwitaabaalo. Era oMusengwa yakukobere ati, ‘Iwe walikubbembera abantu bange aBaisirairi, era iwe walibafuga.’ ”

AbʼEbbulaniya 1:3

Mwiye niimwo okwasya kwʼekitiisya kya Kibbumba omu kweraga, era mwiye mutubonera enfaanana ya Kibbumba enanyere. Niiye abbesyawo buli kimo nʼamaani gʼekibonokye. Oweyamalire okutunaabyaku ebibbibibbi byaiswe, nʼatyama omwigulu nʼoKibbumba onyere oBwezye omu kifo kyʼekitiisya eino.

1 Samwiri 18:7

Omwisangaalo eringi erityo, abakali nga bemba bati, “OSawulo aitire enkumigye, kaisi oDawudi nʼaita emitwalogye.”

1 Samwiri 2:8

Asetula abadoobi nʼabatoola omu nkungu era asetula abadamba nʼabatoola oku kibbomboizi; abatyamisya aamo nʼabakungu, nʼabateeka omu bifo ebyʼekitiisya.” “Ekyo kityo olwʼokubba emisingi gyʼekyalo gya Musengwa; era okwo ku yateekere ekyalo.

1 Samwiri 25:28

Nakwegairiire, osoniye ensobi yange nze omuweereryawo. Ekyo kityo olwʼokubba oMusengwa tiyalireka okukuwa iwe omusengwa wange okubba kabaka era nʼeibyaireryo okuzwangamu abakabaka emirembe gyonagyona, olwʼokubba olwana entalo gya Musengwa. Era obwomibwo bwonabwona, tiwaabbangakuumu ensobi yonayona.