EZabbuli 74:20 - Bbaibbuli y'oLugwere

²⁰ Oyebukirye endagaano egiwakolere na iswe, olwʼokubba ekyalo kiizwire ndikiirya na bikole byʼobukambwe.

EZabbuli 74:20 ပူးပေါင်းရင်းမြစ်များ

2 Samwiri 23:5

“Mazima eibyaire lyange lityo weryalibba omumaiso ga Kibbumba, olwʼokubba yakolere na nze endagaano eyenkalaakalira, egyatacuusacuusa era egiyakakasire. Ekyo dala niikyo ekineegomba; olwʼokubba obwo niibwo obwalibba obuwanguli bwange era oKibbumba mazima yalikituukirirya.

EZabbuli 105:8

Akuuma endagaanoye emirembe gyonagyona, yeekuuma okutuukirirya ebisuubizobye eeri emirembe lukumi.

EZabbuli 106:45

Oku lwabwe, nʼayebukiryanga endagaanoye, era nʼairyanga omwoyo olwʼokutakakwe okubitiriri.

EZabbuli 5:8

Oo Musengwa, onnungamye okukola ebikole ebyʼobutuukirirye olwʼokubba ndi nʼabalabe, ondage nakusani enzirayo egimba nkwate.

EZabbuli 89:28

Namukwatiranga ekisa bulijo, era nakuumanga endagaano yange naye emirembe gyonagyona.

EZabbuli 89:39

Omenyerewo endagaano egiwakorere nʼomuweereryawo, era enguleye ogimumire omu nkungu.

AMateeka 12:31

Timwasinzanga oMusengwa iye oKibbumba waanywe nga ibo obwebasinza abakibbumba baabwe, olwʼokubba ibo owebabba nga basinza abakibbumba baabwe, bakola nabuli kintu ekyʼomuliko oMusengwa ekyacaawa. Era ibo bawaayo nʼabataane baabwe nʼabaala baabwe okubooca ni babba sadaaka eeri abakibbumba baabwe.”

AMateeka 9:27

Oyebukirye abaweereryabo oIbbulaimu, nʼoIsaka, nʼoYaakobbo. Tiwalingirira obukakanyali bwʼabantu banu, nʼobubbibubbi bwabwe, waire ekikole kyabwe ekibbikibbi.

AbʼEbbulaniya 8:10

“Era oMusengwa alangirira ati, eenu niiyo endagaano eginalikola nʼaBaisirairi enaku egyo owegyalituuka. Naliteeka aMateeka gange omu biseego byabwe. Era naligawandiika omu myoyo gyabwe. Nalibba Kibbumba waabwe, bona ni babba bantu bange.