EZabbuli 72:4 - Bbaibbuli y'oLugwere

⁴ Oleke okabaka alwanirirenge abagada, anunulenge abaana bʼabadamba, era awangulenge abo ababajolonga.

EZabbuli 72:4 ပူးပေါင်းရင်းမြစ်များ

EZabbuli 109:31

Ekyo kityo olwʼokubba alwanirira adamba, okumununula eeri abo abamusalira ogwʼokufa.

EZabbuli 2:9

Walibavuniankira nakimo nʼomwigo gwʼekyoma, walibasusungula ni babba ooti kibya ekibasusungwire.’ ”

EZabbuli 94:5

Oo Musengwa, basasaigula abantubo, era bagadya abantubo okububwo.

ENgero 20:26

Okabaka owʼamalabuki azuula abasobya; era ababonereza nʼobukambwe.

Matayo 11:5

Ababbaire aboofu babona, ababbaire abaleme batambula, abagenge balama, ababbaire abamasiipe bawulira, abafu bazuukira, nʼabadoobi bona basuna enkabi gyʼokuwulira aMawuliro aMasa.

Kubiikula 18:20

Ni wabbaawo eyakobere ati: “Neye inywe omwigulu musangaale olwʼokubba bakijigiricirye! Inywe abatuukirirye, na inywe abatume nʼabanaabbi musangaale, olwʼokubba oKibbumba akisingisirye omusango olwʼebyo ebikyakolere!”

Kubiikula 18:24

Mwikyo omusaaye ogwʼabanaabbi nʼogwʼabatuukirirye, nʼerya bonabona abebaitire oku kyalo, niimwo omu balyajiirye.”

Kubiikula 19:2

Ensalaye eyʼemisango ntuuce era ya bwenkanya. Asalire omusango ni gusinga ekibuga ekiri ngʼomalaaya okirifuma, oyo eyatendeire abantu abʼomu kyalo kyonakyona, okukola obwamalaayabwe obwʼokusinza ebifaananyi. Omalaaya oyo bamubonerezere olwʼokwita abaweererya ba Kibbumba.”