EZabbuli 72:17 - Bbaibbuli y'oLugwere

¹⁷ Oganye eriina lya kabaka balyebukiryenge emirembe gyonagyona, era lyeyongerenge okufuma paka eisana oweryalikomya okwaka. Oganye abantu bonabona basunenge enkabi kubitira mu niiye. Era bamwetenge wʼenkabi.

EZabbuli 72:17 ပူးပေါင်းရင်းမြစ်များ

ENtandiika 12:3

Nawanga enkabi abo abakusabiranga enkabi, nabuli eyakulaamanga zena namulaamanga. Era amawanga gonagona agʼoku kyalo naligawa enkabi nga mbitira mu baizukulubo.”

ENtandiika 22:18

Era amawanga gonagona agʼoku kyalo naligawa enkabi nga mbitira mwibyaireryo, olwʼokubba ongondeire.’ ”

2 Samwiri 7:13

Oyo niiye eyalinnyombekera enyumba, era nalyemereryawo entebeye eyʼobwakabaka nebba yʼensikirano emirembe gyonagyona.

2 Samwiri 7:16

Abʼeibyaireryo bafuganga obwakabakabwo emirembe gyonagyona omumaiso gange, nʼentebeyo eyʼobwakabaka yabbeererangawo enaku gyonagyona.’ ”

EZabbuli 21:7

Okabaka yeesiga oMusengwa. Era olwʼekisa kyʼoyo oNambulaku aMwagaagana, iye tasagaasagana.

EZabbuli 45:17

Abantu beebukiryanga eriinalyo emirembe gyonagyona olwʼolwembo lwange. Era abantu bakuwuujanga emirembe nʼemirembe.

EZabbuli 89:36

Eibyairerye lyabbeererangawo emirembe nʼemirembe, nʼobwakabakabwe bwabbeerererangawo ooti isana iryo eritakoma okwaka.

OKuzwa 3:15

OKibbumba era nʼakoba oMusa ati, “ABaisirairi wabakoba oti, NDI, oKibbumba wʼabazeiza baanywe, iye oKibbumba wa Ibbulaimu, era wa Isaka, era wa Yaakobbo, niiye antumire egimuli. Eryo niiryo eriina lyange abantu abʼemirembe nʼemirembe eribanjebukiriryangaku.

Matayo 1:21

Era ayaba okubyala omwana mwisuka, era bamuwa eriina bati, Yesu, olwʼokubba niiye eyalirokola abantu okuzwa omu bikole byabwe ebibbibibbi.”

Matayo 1:23

“Muwulisisye! Omwala omuguna yalibba ekida, era yalibyala omwana mwisuka. Era balimuwa eriina bati Manweri,” amakulu gaalyo gati, “OKibbumba ali na iswe.”

Luuka 1:48

olwʼokubba ankwatiire ekisa nze omuweereryawe onambulaku owaali. Okuzwa atyanu, abantu abʼemirembe gyonagyona banjetanga wʼenkabi,

Bikole 3:16

Olwʼokwesiga oYesu oyo nʼobwezyebwe, kagira omuntu onu ogumubona aanu era ogumumaite nakusani airiremu amaani. Ekikoba kiti, kwikirirya okutuli nakwo omu liina lya Yesu niikwo okugirisirye nʼalamirya nakimo omusaiza onu, era nywenanywena ngʼowemwebonesya.

Abʼe Galatiya 3:14

OKurisito yatwaire ekiraami ekyo okulwaiswe kaisi enkabi oKibbumba egiyasuubizire oIbbulaimu giize eeri aBatali Bayudaaya olwa Kurisito oYesu, era kaisi olwʼokwikirirya, tusune oMwoyo oMutukulye ogubasuubizire.

AbʼEfeeso 1:3

Twebalye oKibbumba era oIteeye wa Musengwa waiswe oYesu Kurisito, eyatugabiire nabuli nkabi gyonagyona egyʼomwoyo egizwa omwigulu olwʼokubba ekintu ekimo nʼoKurisito.

AbʼEfeeso 3:14

Nʼolwekyo nkomera oKibbumba oItewaiswe amazwi,

Abʼe Firipi 2:10

Kaisi awo ebiri omwigulu, nʼebiri oku kyalo, era nʼebiri ansi wʼekyalo, byonabyona bikome amazwi nʼobuwombeeki okusinza eriina lya Yesu,

Abʼe Kolose 1:3

Bulijo, owetubba tubasabira twebalya oKibbumba oIteeye wa Musengwa waiswe oYesu Kurisito,

1 Peetero 1:3

Kale oKibbumba oIteeye wa Musengwa waiswe oYesu Kurisito bamuwuujenge! Olwʼekisaakye ekinene, atuwaire obubyale obuyaaka omu bwomi obutawaawo, okubita omu kuzuukiza oYesu Kurisito.

Kubiikula 15:4

Musengwa, naani dala atalikutya era ataliwa eriinalyo ekitiisya! Iwe wenkani niiwe oMutukulye. Abantu abʼamawanga gonagona baliiza ni bakusinza omumaisogo, olwʼokubba ebikolebyo ebyobutuukirirye byeraga mulwatu.”