EZabbuli 72:15 - Bbaibbuli y'oLugwere

¹⁵ Okabaka awangaale! Oleke bamuwenge ezaabbu okuzwa e Syebba. Abantu bamusabirenge bulijo, era bamusabirenge enkabi okumalaku olunaku.

EZabbuli 72:15 ပူးပေါင်းရင်းမြစ်များ

EZabbuli 21:4

Yakusabire obwomi, nʼobumuwa nʼawangaala, nʼomuwa nʼobwomi obutawaawo.

EZabbuli 45:4

Omu kitiisyakyo ngʼoli oku mbalaasi owangulenge olwʼokulwanirira amazima, nʼobuwombeeki nʼobutuukirirye. Oleke engaloyo endiiro, ekole ebyewunyisya.

EZabbuli 72:19

Eriinalye eryʼentiisya baliwuujenge emirembe gyonagyona. Ekyalo kyonakyona kiizule entiisyaye. Amiina era Amiina.

Matayo 2:11

Kale abasaiza abo owebatuukire ni baingira omu nyumba eyo, era ni babona omwana ngʼali nʼomaaye oMalyamu, bakomere amazwi ni basinza omwana oyo. Awo ni basibindula emigangi gyabwe, era ni bamutonera ebirabo. Bamutoneire ezaabbu, nʼobubbaani nʼebyakaloosa ebibeeta miira.

Matayo 21:9

Awo ebiyindi byʼabantu ebyabbaire bimwekubbembeire, nʼebindi nga bimuzwaku e nyuma, ni baaba nga baaminkirira bati, “Tuwuuje oKurisito oMwizukulu wa Dawudi! Wʼenkabi iye oyo aiza omu liina lya Musengwa iye oKibbumba! Tumuwuuje oMusengwa aali omwigulu!”

Matayo 6:10

obwakabakabwo bwize. Ebyotaka babikole oku kyalo ngʼowebabikola omwigulu.

Yokaana 11:25

OYesu nʼamukoba ati, “Ninze azuukiza, era agaba obwomi obutawaawo. Buli anjikiririryamu, nʼowaafa, tete yalibba mwomi.

Yokaana 14:19

Omu kiseera kitono kiti, ibo abataikiririrya omu Kibbumba baabbanga tibakaali bambona, neye inywe mwalimbona olwʼokubba tete nalibba mwomi, era nywena mwalibba boomi.

Yokaana 5:23

Ekyo kityo kaisi abantu bonabona bayezye okuwa oMwana ekitiisya ekyo ekibawa oIteeye. Era singa omuntu yenayena tawa oMwana ekitiisya era mazima abba tawa nʼoIteeye ekitiisya, iye nago eyamutumire.”

2 Abʼe Kolinso 13:14

Era nsaba nti ekisa kya Musengwa oYesu Kurisito nʼokutaka kwa Kibbumba nʼokubba ekintu ekimo nʼoMwoyo oMutukulye bibbe na inywe nywenanywena.

Abʼe Firipi 2:11

era buli muntu yalibbutula omulwatu ati, “OYesu Kurisito niiye oMusengwa.” Era nʼolwekyo abantu bonabona baligulumalya oKibbumba oItewaiswe.

1 Abʼe Sesalonika 3:11

OKibbumba onyere era oItewaiswe, nʼoMusengwa waiswe oYesu, batwezyesye okwiza egimuli.

2 Temuseewo 4:22

OMusengwa waiswe abbe aamo na iwe, era akukwatirenge ekisa.

2 Peetero 3:18

Neye mweyongerenge okubba omu kisa kya Musengwa waiswe era oMulokoli oYesu Kurisito, era mweyongerenge nʼokumumanya. Oleke ekitiisya kiire eeri oKibbumba atyanu nʼemirembe gyonagyona. Amiina.

1 Yokaana 1:2

Era oyo iye nago onsulo wa bwomi oweyaikire oku kyalo kunu, twamuboine era iswe tumwijululaku era gutuli kulaabba egimuli tuti iye niiye agaba obwomi obutawaawo. Cooka iye enyumaku eedi, yeebbeeranga giri Iteeye, neye yairire nʼaiza yeeragisya egituli.

Yuda 1:25

Abantu nga babita omu Yesu Kurisito oMusengwa waiswe, bawenge oKibbumba omoiza oyo ekitiisya, iye nago oMulokoli waiswe, era owʼamaani era owʼobwezye. Era niiye eyabbairewo okuzwera nakimo ngʼemigigi gyʼabantu gikaali nʼokubbaawo, era niiye akaali atyo nʼomu mirembe ginu era eyalibbaawo emirembe nʼemirembe! Amiina.

Kubiikula 1:18

era oMwomi. Nabbaire nfiire, neye obone atyanu ndi mwomi emirembe nʼemirembe, era ndi nʼobwezye oku kufa nʼe Magombe.”