EZabbuli 72:14 - Bbaibbuli y'oLugwere

¹⁴ Abanunula eeri eifuge nʼeeri abababitya obundi, olwʼokubba obwomi bwabwe bwʼebbeeyi ino egyali.

EZabbuli 72:14 ပူးပေါင်းရင်းမြစ်များ

ENtandiika 48:16

Omalaika owannunwire mu buli kabbikabbi konakona, obawe enkabi. Eriina lyange nʼerya zeiza wange oIbbulaimu, nʼerya bbaabba oIsaka, okubita omu baana banu, abantu bageebukiryenge. Basune eibyaire linene oku kyalo.”

2 Samwiri 23:17

Nʼakoba ati, “Oo, Musengwa, kinzwerawo nze okunywa amaizi ganu, olwʼokubba kiri ooti kunywa musaaye gwʼabasaiza banu abawaireyo obwomi bwabwe okugasyoma!” Kagira oDawudi yagaine okuganywa. Ebyo niibyo abalwani abakulu abasatu abʼamaani ebibakolere.

2 Samwiri 4:9

ODawudi nʼairamu oLekabbu nʼomugandawe oBbaana abataane ba Limooni owʼomu Bbeerosi ati, “Ndayira oMusengwa ngʼobwali omwomi eyannunwire omu bigosi byonabyona!

EZabbuli 116:15

Nga kirumya ino oMusengwa, omoiza oku batuukiriryebe owaafa!

EZabbuli 130:8

Iye yalinunula oIsirairi okuzwa omu bibbibibbi byabwe byonabyona.

EZabbuli 25:22

Oo Kibbumba, onunule oIsirairi ibo abantubo omu bigosi byabwe byonabyona.

EZabbuli 69:18

Oigerere e gyendi onnunule, ondamye abalabe bange.

Tito 2:14

OKurisito yeewaireyo okufa okulwaiswe kaisi atununule omu bibbibibbi byaiswe byonabyona, atusuuce abantube abakenene omu myoyo, era abamaliriire okukolanga ebintu ebisa ebyataka.

Kubiikula 17:6

Ni mbona ngʼomukali oyo asiima ino okusuka omusaaye ogwʼabatuukirirye, abo abebaitire olwʼokwikirirya oYesu. Era ni yeewaaana nga tafaayo, ngʼali ooti muntu anywire nʼateemeera omusaaye ogwʼabatuukirirye abeyaitanga. Owenamuboine, ni newunya ino!

Kubiikula 19:2

Ensalaye eyʼemisango ntuuce era ya bwenkanya. Asalire omusango ni gusinga ekibuga ekiri ngʼomalaaya okirifuma, oyo eyatendeire abantu abʼomu kyalo kyonakyona, okukola obwamalaayabwe obwʼokusinza ebifaananyi. Omalaaya oyo bamubonerezere olwʼokwita abaweererya ba Kibbumba.”

1 Samwiri 26:21

Awo oSawulo nʼairamu ati, “Nkolere kibbikibbi, oire mwana wange Dawudi! Tineeyongere okugezyaku okukukolaku akabbikabbi tete, olwʼokubba obbaire wʼokunjita olwatyanu neye nandi nʼonjita. Dala mbaire musirusiru era nsoberye ino nakimo.”