EZabbuli 72:12 - Bbaibbuli y'oLugwere

¹² Ekyo kityo olwʼokubba anunula abadamba, ibo abamwekungirira, abo abadoobi era abanambulaku obubbeeri.

EZabbuli 72:12 ပူးပေါင်းရင်းမြစ်များ

2 Samwiri 14:16

Amo okabaka yaikirirya okununula omutaane wange omu bwezye bwʼomusaiza oyo ali kunoonia okunsaanyawo nze nʼomutaane wange tuzwe omu muwuluko oKibbumba oguyatuwaire.’ ”

EZabbuli 10:17

Oo Musengwa, omaite abanambulaku obubbeeri ekibasuubira. Mazima owulira okukunga kwabwe nʼobairyamu amaani era nʼowulisisya nʼokusaba kwabwe.

EZabbuli 102:17

Yaliiramu okusaba kwʼabadoobi, era tiyalinyooma okwegairira kwabwe.

EZabbuli 102:20

Nʼawulira okukenyera kwʼabasibe, nʼateera abebabbaire basaliire ogwʼokufa.”

EZabbuli 55:17

Eigulo nʼamakeezi nʼomusana neezulugumanga ni nkuukulya, nʼawulira eigono lyange.

EZabbuli 72:4

Oleke okabaka alwanirirenge abagada, anunulenge abaana bʼabadamba, era awangulenge abo ababajolonga.

ENgero 29:7

Abatuukirirye bafaayo oku badoobi okusuna obwenkanya, neye ababbibabbi ekyo tibakifaaku.

Luuka 4:18

“OMwoyo wa Kibbumba andiku, olwʼokubba oKibbumba yannondere okulaabba aMawuliro aMasa eeri abadoobi. Antumire okukobera abasibe ati bayezya okuzwa omu busibe, nʼaboofu bona ati baiza kwiramu ni babona. Era antumire okukobera abebagadya ati bayezya okusuna eidembe,

Luuka 7:22

Awo oYesu nʼairamu abakwenda ba Yokaana ati, “Mukange era mukobere oYokaana ebimuboine nʼebimuwuliire. Ababbaire boofu babona; ababbaire abaleme, batambula; abagenge balama, ababbaire abamasiipe bawulira; abafu bazuukira, nʼabadoobi bona basuna enkabi gyʼokuwulira aMawuliro aMasa.

2 Abʼe Kolinso 8:9

Inywe mumaite muti oMusengwa waiswe oYesu Kurisito wʼekisa kinene. Newankubbaire yabbaire musuni, yasuukire muntu omudoobi okulwanywe, kaisi olwʼobudoobibwe ayezye okubasuuca inywe basuni.

AbʼEbbulaniya 7:25

Nʼolwekyo ayezya okulokolera nakimo abo abaaba eeri oKibbumba nga babita mwiye, olwʼokubba aliwo mwomi ekiseera kyonakyona okubawozereryanga omumaiso ga Kibbumba.

1 Samwiri 22:2

Abantu ababbaire omu bugosi, nʼababbaire omu mabanja, nʼababbaire nga tibamatiri, ni baaba eeri oDawudi, nʼasuuka mwekubbemberi waabwe. Bonabona abaabire e gyali ni beera abasaiza ooti 400.