EZabbuli 72:11 - Bbaibbuli y'oLugwere

¹¹ Abakabaka bonabona bakotamyenge emitwe gyabwe omumaisoge, abantu abʼamawanga gonagona bamuweereryenge.

EZabbuli 72:11 ပူးပေါင်းရင်းမြစ်များ

EZabbuli 86:9

Oo Musengwa, amawanga gonagona agewakolere gaizanga egyoli ni gakusinza. Era gagulumalyanga eriinalyo.

OKubala 24:7

Basunanga oikendi mungi, era ensigo gyabwe gyasunanga amaizi mangi. “Okabaka waabwe yakirangaku okabaka Agagi ekitiisya, nʼobwakabaka bwabwe babuwuujanga.

Abʼe Looma 11:25

Boluganda, ntaka mumanye ekyama kinu, kaisi muleke okwepankapanka. ABaisirairi abamo basigaire nga bakakanyali bʼemyoyo, paka aBatali Bayudaaya bonabona owebalimala okwira eeri oKibbumba.

Kubiikula 11:15

Awo omalaika owomusanvu nʼafuwa ekondeereye. Ni wabbaawo amagono omwigulu agaaminkirira, nga gakoba gati: “Obwakabaka obwʼekyalo busuukire bwa Musengwa waiswe era bwa Kurisito, era yafuganga emirembe nʼemirembe.”

Kubiikula 17:14

Eikumi abo, nga beeyimbirye nʼogusolo, balirwanisya oNtaama oMutomuto wa Kibbumba, neye era, yalibawangula, olwʼokubba niiye oMusengwa owʼabasengwa era oKabaka owʼabakabaka. Nʼabasengereri aba Ntaama oMutomuto wa Kibbumba, abo abeyayetere, abeyalonderemu, era abeesigwa balibba aamo naye.”

Kubiikula 21:24

Abantu abʼomu kyalo kyonakyona batambuliranga mu kitangaala kyakyo, nʼabakabaka abʼoku kyalo baliiza mwikyo ni bawa oKibbumba ekitiisya.

Kubiikula 21:26

Abantu abʼamawanga gonagona, baliiza mwikyo okuwuuja nʼokuwa oKibbumba ekitiisya.