EZabbuli 71:5 - Bbaibbuli y'oLugwere

⁵ Oo oMusengwa iwe aKira Byonabyona, eisuubi lyange liri mu niiwe, njabire nga neesiga niiwe okuzwera nakimo omu mavuvuka gange.

EZabbuli 71:5 ပူးပေါင်းရင်းမြစ်များ

EZabbuli 119:166

Oo Musengwa, nkuumirira niiwe okunnunula, era ntuukirirya amateekago.

EZabbuli 119:81

Oo Musengwa mpulira nfa nga njoya okunnunula, neye nteekere eisuubi lyange mu kibonokyo.

EZabbuli 13:5

Neye nze neesiga kisaakyo, najaagaananga olwʼokubba walinnunula.

EZabbuli 39:7

Neye atyanu Musengwa, nsuubire niki? Eisuubi lyange liri mu niiwe.

EZabbuli 42:11

Kale atyanu lwaki omwoyo gwange gunakuwala? Era lwaki omwoyo gwange gweraliikirira? Oleke eisuubi lyange nditeeke mu Kibbumba, olwʼokubba nalimuwuuja tete, Iye omununuli wange era oKibbumba wange.

EZabbuli 71:17

Oo Kibbumba, okuzwera nakimo omu mavuvuka gange wanjegeserye era paka kuti nkaali ntumula oku bikolebyo ebyewunyisya.

Luuka 2:40

Awo omwana oyo ni yeeyongeranga okukula, nʼabba wʼamaani, ngʼaizwire amalabuki era nʼenkabi gya Kibbumba.

Abʼe Looma 15:13

OKibbumba onanzwa wʼokusuubira, abaizulye inywe eisangaalo lyonalyona nʼeidembe olwʼokumwikirirya, kaisi olwo mweyongerenge okubba nʼosuubi olwʼamaani ga Mwoyo oMutukulye.

2 Temuseewo 3:15

Era okuzwera nakimo ngʼokaali mutomuto, wabbaire omaite eBiwandiike ebitukulye, ebyo ebyezya okukusuuca omulabuki, nʼolokoka olwa kwikirirya omu Kurisito oYesu.

1 Samwiri 16:13

Awo oSamwiri olwo kaisi nʼakwata eiziga lya mafuta, nʼamusukaku amafuta abagandabe nga babona. OMwoyo wa Musengwa nʼaika oku Dawudi nʼamaani, era oMwoyo oyo nʼabbanga naye okuzwa oku lunaku olwo. Awo oSamwiri nʼasetuka nʼakanga e Laama.