EZabbuli 71:20 - Bbaibbuli y'oLugwere

²⁰ Waire ondekere ni mba omu kugada okunene nʼomu bigosi ebingi era waliiryawo obwomi bwange tete, nʼontoola e magombe nʼonsetula tete.

EZabbuli 71:20 ပူးပေါင်းရင်းမြစ်များ

2 Samwiri 12:11

“Era oMusengwa akoba ati, ‘Obone, nalireeta akabbikabbi omu nyumbayo, ni ntwala abakalibo ngʼobona, ni mbawa omusaiza omwinawo ni yeegaita nabo musana perekete.

EZabbuli 119:25

Ndi ku mugo gwʼamagombe, onjiryemu obwomi ngʼobwewasuubizire.

EZabbuli 138:7

Nʼowemba aakati omu bigosi, iwe okuuma obwomi bwange. Olwanisya abalabe bange abandiku ekisungu, nʼonnunula nʼamaanigo.

EZabbuli 16:10

Ekyo kityo olwʼokubba tiwalireka omwoyo gwange e magombe, waire okuganya omubiri gwʼoMutukulyewo okuvunda.

EZabbuli 60:3

Olekere abantubo ni bagada ino, tugagaituka ooti bateemeere.

EZabbuli 60:5

Otununule era otubbeere ngʼokolesya obwezyebwo, kaisi abatakebo bayezye okuwunuka.

EZabbuli 80:18

awo titwalikuzwaku. Otwirye obuyaaka, kaisi tukuwuujenge.

EZabbuli 85:6

Otwiryemu amaani buyaaka, kaisi iswe ababo tujaagaanirenge mwiwe.

EZabbuli 86:13

Olwʼokutakakwo okutakoma okubitiriri egyendi, wandamirye okutaika e magombe.

EZabbuli 95:4

Emisingi gyʼekyalo giri mu ngalogye, nʼenairungu gyʼensozi, gyona gigye.

Yona 2:6

Neinikiire nakimo paka ansi omu maizi eeyo, ansi ensozi e gigitandiikira; ni nseega nti naabba eeyo musibe emirembe gyonagyona. Neye iwe Musengwa iye oKibbumba wange, nʼontoolayo omu kiina ekyo nga ndi mwomi!

Maako 15:34

Oku saawa ooti mwenda oYesu nʼakunga nʼeigono eryaminkirira ati, “Eloyi, Eloyi, lama sabbakusaani?” Amakulu gaakyo gati, “Kibbumba wange, Kibbumba wange, lwaki ondekerewo?”

Bikole 2:24

OYesu yabitire omu bulumi bubitiriri kaisi nʼafa. Neye oKibbumba nʼamuzuukiza, atyo nʼamuteeresya okuzwa omu bulumi okufa obukuleeta olwʼokubba amagombe gabbaire tigayezya okumukalangulirayo okusigala nga mufu.

AbʼEfeeso 4:9

Okukoba ati yaniinire, kitegeeza niki? Kitegeeza kiti yasookere kwika ansi oku kyalo.

Kubiikula 7:14

Ni mmwiramu nti, “Musengwa, niiwe omaite.” Nʼankoba ati, “Abo niibo ababitire omu kugada okunene, era ni booza ebizwalo byabwe ebyʼomu mwoyo, niikwo okusuuka abeeru olwʼomusaaye ogwasusukire omu kufa okwa Ntaama oMutomuto wa Kibbumba.

1 Samwiri 2:6

“OMusengwa aita era airyawo obwomi; aserengetya e magombe, era nʼazuukiza.