EZabbuli 7:8 - Bbaibbuli y'oLugwere

⁸ Musengwa, niiwe alamula abantu bonabona. Oo Musengwa olamule omusango gwange nsinge, olwʼokubba mpaawo kibbikibbi ekinkolere.

EZabbuli 7:8 ပူးပေါင်းရင်းမြစ်များ

ENtandiika 18:25

Kyabba tikisa okukola otyo, iwe okwita abatuukirirye aamo nʼabakola ebikole ebibbibibbi, era okubitya abatuukirirye nʼabakola ebikole ebibbibibbi omu ngeri efaanana. Era mazima tiwakikola. Aale oMulamuzi wʼekyalo kyonakyona takola ekintu ekituuce?”

ENtandiika 31:53

Nsaba nti oKibbumba wa Ibbulaimu era oKibbumba wa Nakoli, era oKibbumba wa itewaabwe, alamulenge akatiwo na nze.” Kale oYaakobbo nʼalayira oKibbumba wa iteeye oIsaka, ati yakuumanga endagaano eyo.

EZabbuli 11:4

OMusengwa ali omu Yeekaaluye entukulye, oMusengwa ali oku ntebeye eyʼobwakabaka omwigulu. Alingirira abantu bonabona, era yeekeenenya ebibakola.

EZabbuli 25:21

Obusa bwange nʼamazima gange binkuumenge, olwʼokubba niiwe oguneesiga.

EZabbuli 26:1

Oo Musengwa, olangirire ngʼowembulaku omusango, olwʼokubba mpaawo kibbikibbi ekinkolanga, era neesiga niiwe Musengwa anambula kubuusabuusa.

EZabbuli 26:11

Neye nze nkola kiidi ekituuce. Onkwatire ekisa onnunule.

EZabbuli 41:12

Okuumire obwomi bwange olwʼokubba nkola ebituuce. Onkuumiire omumaisogo emirembe gyonagyona.

EZabbuli 43:1

Oo Kibbumba, olangirire ngʼowembulaku omusango, era ondwanirire eeri abantu abatakutya, Onnunule eeri abo ababbeyi era ababbibabbi.

EZabbuli 78:72

Era oDawudi yabalabiriire omu mwoyo omusa, ngʼabafuga nʼobukugu.

EZabbuli 82:1

OKibbumba akubbiriza olukiiko olukulu olwʼomwigulu; aakati omu lukumbaana lwʼabakibbumba awa okusalawokwe ati:

EZabbuli 9:8

Era yaliramula ekyalo mu butuukirirye, yalifuga amawanga gonagona mu bwenkanya.

EZabbuli 96:13

gyayembera omumaiso ga Musengwa, olwʼokubba aiza. Aiza okusalira ekyalo omusango. Yaliramula ekyalo mu bwenkanya, yaliramula abantu mu mazima.

EZabbuli 98:9

Oleke byembere omumaiso ga Musengwa, olwʼokubba aiza okusalira ekyalo omusango. Yalikubbembera abantu mu bwenkanya, era yaliramula abantu nga tiyeekubbira.

ENgero 19:1

Kasinga obba omudoobi ngʼotambulira mu bwomi obunambulaku ekyʼokubunenya, okukiraku okubba omubbeyi era omusirusiru.

Bikole 17:31

Ekyo kityo olwʼokubba yasalirewo olunaku oluyalisaliraku ekyalo kyonakyona omusango omu bwenkanya, okubitira omu muntu iye onyere oguyeerondeire. OKibbumba okukakasa omumaiso gʼabantu bonabona ngʼoyo niiye eyalikola ekyo yalagire na kuzuukiza muntu oyo nago.”

2 Abʼe Kolinso 1:12

Atyanu iswe ekituleetera okwenyumiriza niikyo kinu kiti: Omu myoyo gyaiswe tukakasa tuti, eneebitya yaiswe omu bantu era okukirira nakimo enkolagana yaiswe na inywe eriwo mu butuukirirye nʼomu mazima ebizwa eeri oKibbumba. Ebyo titubikolere mu malabuki gʼabantu-buntu, neye lwʼekisa kya Kibbumba ekiri na iswe.

1 Abʼe Sesalonika 2:10

Inywe mwezya okutujulira, era nʼoKibbumba atujulira ati empisa gyaiswe nga tuli mwinywe gyabbaire gya bwa Kibbumba egituukiriire, era eginambulaku kyokunenya.