EZabbuli 7:6 - Bbaibbuli y'oLugwere

⁶ Oo Musengwa osetukiremu, omu busungubwo olwanisye abalabe bange abannumba nʼobukambwe. Oo Kibbumba wange osetuke, olagire wabbeewo obwenkanya.

EZabbuli 7:6 ပူးပေါင်းရင်းမြစ်များ

2 Samwiri 17:14

Awo Abbusalomu nʼaBaisirairi bonabona abeyabbaire nabo ni bakoba bati, “Amalabuki ago aga Kusaayi oMwaluki gakiraku gadi agʼAkisofeeri.” Ekyo kityo olwʼokubba oMusengwa yabbaire asalirewo ati amalabuki amasa Akisofeeri ageyawaire tibagakoleraku, oMusengwa kaisi aleete akabbikabbi okwAbbusalomu.

EZabbuli 103:6

OMusengwa iye tiyeekubbira, era alaga obwenkanya eeri bonabona abebagadya.

EZabbuli 12:5

Neye oMusengwa akoba ati, “Olwʼokubba abantu ababbibabbi bagadya abadoobi, era nʼabebagadya bakunga, nasetuka ni mbakuuma ngʼowebeetaaga.”

EZabbuli 138:7

Nʼowemba aakati omu bigosi, iwe okuuma obwomi bwange. Olwanisya abalabe bange abandiku ekisungu, nʼonnunula nʼamaanigo.

EZabbuli 143:3

Abalabe bange banjiigire, era bampanguliire nakimo, ni bandetera okubba omu kifo ekyʼendikiirya, ni mba ngʼabo abafiire eira.

EZabbuli 3:7

Oo Musengwa, osetuke, Kibbumba wange, onnunule! Okubbe abalabe bange bonabona oku masaya obamulungulemu amaino.

EZabbuli 35:1

Oo Musengwa, oyakane nʼabanjakanisya, olwane nʼabandwanisya.

EZabbuli 35:23

OSetukiremu era ondwanirire! Osale omusango gwange iwe oKibbumba wange, era Musengwa wange.

EZabbuli 44:23

Oo Musengwa, olamuke! Lwaki ogona? Osisimuke, totulekesula emirembe nʼemirembe!

EZabbuli 44:26

Osetuke otubbeere, olwʼekisaakyo otununule.

EZabbuli 59:5

Oo Musengwa oWabwezye Bwonabwona, oKibbumba wa Isirairi, osetukiremu obonereze amawanga gonagona agatusetukiireku. Tiwasaasira abʼenkwe abakola obubbibubbi.

EZabbuli 73:20

Ngʼekirooto owekigota oku muntu owaalamuka, iwe Musengwa owewalisetuka, batyo webaligota omu biseegobyo.

EZabbuli 74:3

Olambuule obone ebijigirice, omulabe ajigiricirye ebintu byonabyona, omu Weemayo.

EZabbuli 78:65

Olwo kaisi oMusengwa nʼabba ooti alamukire mu ndoolo, era ooti muzira enviinyo ogugicemwire.