EZabbuli 69:3 - Bbaibbuli y'oLugwere

³ Ndembere okukunga olwʼokutaka obubbeeri, amamiro gankalire. Amaiso gandoolere, nga nkukuumiriire iwe Kibbumba wange okumbeera.

EZabbuli 69:3 ပူးပေါင်းရင်းမြစ်များ

EZabbuli 119:123

Amaiso gandoolere nga nkuumiriire okunnunula, nga nkumiriire ekisuubizokyo iwe omwenkanya.

EZabbuli 119:82

Amaiso gandoolere olwʼokukuumirira ekiwasuubizire; ni neebuulya nti, “Walinjiryamu di amaani?”

EZabbuli 22:15

Amaani gampoire ooti nsaka eyatikire, nʼolulumi lwange ni lwekwatira oku kiguno kyange. Ondekere nfe njabe e magombe.

EZabbuli 22:2

Oo Kibbumba wange, nkwekungirira omusana, neye nandi nʼonjiramu! Nʼobwire ni nkwekungirira amantawuumula!

EZabbuli 25:21

Obusa bwange nʼamazima gange binkuumenge, olwʼokubba niiwe oguneesiga.

EZabbuli 39:7

Neye atyanu Musengwa, nsuubire niki? Eisuubi lyange liri mu niiwe.

EZabbuli 40:3

Yampaire olwembo oluyaaka, olwʼokuwuujanga iye oKibbumba waiswe. Bangi babonanga ekyo ni batya, ni beesiganga oMusengwa.

EZabbuli 6:6

Amaani gampoiremu olwʼokukunga. Nabuli kiire nkulumuca amaliga ni gadodya obuliri bwange, era obuliri bwange ni butoba nʼamaliga.

EZabbuli 69:21

Omu kyokulya kyange banteekeiremu ondulwe. Enyonta oweyankwaite, bannywisirye nviinyo ensasaami.

EZabbuli 88:7

Obusungubwo bunkaluubirira ino, bungadya ino ooti mayengo.

Yokaana 19:28

Awo oluzwanyuma ngʼoYesu amalire okumanya ati amalire emirimo egibamutumire okukola era okutuukirirya eKiwandiike, nʼakoba ati, “Enyonta enduma.”

AMateeka 28:32

Abataane baanywe nʼabaala baanywe babatwalanga omu bugalama omu mawanga agandi nga mubona. Nabuli lunaku mwalubiriranga emyoyo nga mutaka baire, neye nga mubula ekimwezya okukola.

AbʼEbbulaniya 5:7

OYesu oweyabbaire oku kyalo kunu yasabanga oKibbumba era nʼamwegairira omwigono eryaminkirira nʼomu maliga ati, iye aali nʼobwezye okumulamya okufa, amulamye. Era, olwʼobugondi nʼobumaliriri ebiyabbaire nabyo eeri oKibbumba, bamuwuliire.