EZabbuli 69:29 - Bbaibbuli y'oLugwere

²⁹ Neye nze ndi mu bugosi era ndi mu bulumi. Oo Kibbumba onnunule era onsetule angulu.

EZabbuli 69:29 ပူးပေါင်းရင်းမြစ်များ

EZabbuli 109:22

Ekyo kityo olwʼokubba ndi mudoobi, era ndamba, era ndi mukosefu omu mwoyo.

EZabbuli 109:31

Ekyo kityo olwʼokubba alwanirira adamba, okumununula eeri abo abamusalira ogwʼokufa.

EZabbuli 18:48

Era andamya abalabe bange. Oo Musengwa, onjezesya okuwangula abalabe bange, era nʼonnunula eeri abantu abaizwire obukambwe.

EZabbuli 20:1

Nsaba oMusengwa airengemu okusabakwo ngʼoli omu bigosi. Era nsaba oKibbumba wa Yaakobbo akukuumenge.

EZabbuli 40:17

Neye nze ndi mudoobi era ndamba, nsaba oMusengwa anseegeku. Niiwe ombeera era niiwe onnunula. Oo Kibbumba wange, tiwaalwawo!

EZabbuli 59:1

Oo Kibbumba wange, ondamye abalabe bange, onkuume eeri abo abannumba.

EZabbuli 70:5

Neye nze ndi mudoobi era ndamba, nsaba Kibbumba, oyanguwe okwiza egyendi. Niiwe ombeera era niiwe onnunula. Oo Musengwa, tiwaalwa!

OKuzwa 32:33

Iye oMusengwa nʼakoba oMusa ati, “Nabuli akolere ekikole ekibbikibbi omumaiso gange, gunasangula omu kitabo kyange.

Matayo 8:20

Neye oYesu nʼamukoba ati, “Amakibbwe igo gali nʼebiina e gigabba, nʼenyonyi gyona giri nʼebisaasiriro. Neye oMwana wa Muntu iye adambaku kadi nʼejaica olubba.”

2 Abʼe Kolinso 8:9

Inywe mumaite muti oMusengwa waiswe oYesu Kurisito wʼekisa kinene. Newankubbaire yabbaire musuni, yasuukire muntu omudoobi okulwanywe, kaisi olwʼobudoobibwe ayezye okubasuuca inywe basuni.