EZabbuli 69:13 - Bbaibbuli y'oLugwere

¹³ Neye nze neegairira niiwe Musengwa, omu kiseera kyʼokusiimakwo, nʼolwʼokutakakwo okutakoma, Kibbumba onjiremu ngʼonnunula ngʼowewasuubizire.

EZabbuli 69:13 ပူးပေါင်းရင်းမြစ်များ

ENtandiika 24:27

Era nʼakoba ati, “Musengwa, iwe oKibbumba wa musengwa wange oIbbulaimu bakuwuuje, olwʼokubba oyabire ngʼomulaga ngʼobwoli owʼekisa era omwesigwa e gyali. Era zena Musengwa onnungamirye nʼontuca omu kisito kyʼabaganda ba musengwa wange.”

Eseza 5:2

Okabaka oweyaboine onabagereka Eseza ngʼayemereire omu luuga olwʼomunda omu lubiri, nʼasangaala okumubona, era nʼamusiirirya omwigogwe ogwʼezaabbu oguyabbaire akwaite omu ngalo okulaga ati amwikiriirye ayabe e gyali. Eseza nʼaigerera e giri okabaka nʼakwata empembi wʼomwigo gwa kabaka.

Eseza 5:6

Owebabbaire balya era nga banywa, okabaka tete nʼabuulya Eseza ati, “Atyanu niki ekyotaka? Bakikuwa. Era niki ekyosaba? Nʼowekyabba kimo ekyokubiri ekyʼobwakabaka, nakikuwa.”

Eseza 7:2

era oku mulundi ogwo ogwokubiri, owebabbaire nga bali oku byokunywa, okabaka tete nʼabuulya Eseza ati, “Nabagereka Eseza, niki ekyotaka nkukolere? Dala nakikukolera. Era niki ekyosaba? Dala nakikuwa nʼowekyabba kimo kyokubiri ekyʼobwakabaka bwange.”

EZabbuli 32:6

Nʼolwekyo oleke nabuli mutuukirirye akwegairirenge ngʼokaali oyezya okuboneka. Dala ebigosi ebyʼamaani ooti mataba, owebyaizanga tibyamutuukengeku.

EZabbuli 51:1

Oo Kibbumba, onkwatire ekisa, okusinzirira oku kutakakwo okutakoma. Olwʼekisaakyo ekinene, ontooleku emisango gyange gyonagyona.

EZabbuli 91:15

Oweyansabanga namwirangamu, omu bigosi naabbanga naye. Nalimununula ni mmugulumalya.

EZabbuli 98:3

Ayebukiirye okutakakwe okutakoma nʼobwesigwabwe eeri aBaisirairi. Abantu omu kyalo kyonakyona baboine obununuli bwa Kibbumba waiswe.

Luuka 1:72

ngʼoweyasuubizire okukwatira abazeiza baiswe ekisa, nʼokwebukirya endagaanoye entukulye,

Luuka 22:44

Kale oYesu ngʼali omu bulumi obungi, ni yeeyongera okwegairira ino oKibbumba, era olwotalwe ni lutoonya nga luli ooti gatondo gʼomusaaye agatoonya ansi.]

2 Abʼe Kolinso 6:2

Ekyo kityo olwʼokubba omu Biwandiike oKibbumba akoba ati: “Ekiseera ekituuce owekyatuukire, nawuliire okusaba kwanywe, era oku lunaku olwʼokulokoka nababbeereire.” Aale muwulire, atyanu kinu niikyo ekiseera kya Kibbumba ekituuce, era lunu niirwo olunaku olwʼokulokokeraku.

AbʼEbbulaniya 5:7

OYesu oweyabbaire oku kyalo kunu yasabanga oKibbumba era nʼamwegairira omwigono eryaminkirira nʼomu maliga ati, iye aali nʼobwezye okumulamya okufa, amulamye. Era, olwʼobugondi nʼobumaliriri ebiyabbaire nabyo eeri oKibbumba, bamuwuliire.

1 Peetero 2:23

Cooka abantu owebamuzumire, iye tiyabazumire. Era owebamugadirye, iye tiyabeeyayiire, wazira yeewaireyo eeri oKibbumba iye oyo alamula emisango nga tasalirirya.

1 Samwiri 25:8

Obuulyeku abaweereryabo, era bakukobera. Nʼolwekyo atyanu wena, okwatire abaisuka bange ekisa, olwʼokubba twaba kwingira omu lunaku lwʼembaga. Nkwegairiire, oweeku abaweereryabo abo ekintu kyonakyona ekiwayezya era ompeeku nanze omutaanewo oDawudi.’ ”