EZabbuli 68:8 - Bbaibbuli y'oLugwere

⁸ ekyalo kyatengeetere, eigulu ni lisusuca oikendi, iwe oKibbumba wa Isirairi owewabonekeire oku Sinaayi.

EZabbuli 68:8 ပူးပေါင်းရင်းမြစ်များ

EZabbuli 114:7

Iwe kyalo otukute omumaiso ga Musengwa, omumaiso ga Kibbumba wa Yaakobbo,

EZabbuli 41:13

OMusengwa oyo oKibbumba wa Isirairi bamuwuujenge. Bamuwuujenge emirembe nʼemirembe. Amiina era Amiina.

EZabbuli 68:35

OKibbumba nga wʼentiisya omu Weemaye! OKibbumba wa Isirairi niiye awa abantube obwezye nʼamaani. OKibbumba bamuwuujenge.

EZabbuli 77:18

Eigono lyʼokubbwatukakwo, ni liwulikikanira omu gumpunga ogwʼamaani; okumesya ni kumoleka ekyalo kyonakyona. Ekyalo ni kitya era ni kitengeeta!

OKuzwa 13:18

Kagira yabatwaire ni basyomerera mu nzira e yʼomwidungu, oku mbale kwʼeNyanza eNtukuliki. ABaisirairi bazwire omu kyalo kyʼe Misiri nga bali nʼebyokulwanisya.

OKuzwa 19:16

Owebwaceire amakeezi oku lunaku lwokusatu, ni wabbaawo okubbwatuka kwʼeraadu nʼokumesya kwa ikendi. Ekireri ekizizi nga kibbuunireku onairugu wʼolusozi, era ni bawulira okuvuga kwʼekondeere okwʼangulu eino. Era abantu bonabona ababbaire omu nkambi, ni batukuta.

OKuzwa 19:18

OLusozi oSinaayi lwonalwona ni luduunya omwosi, olwʼokubba oMusengwa ngʼali omu musyo yabbaire aikire oku lusozi olwo. Era omwosi ni guzwa omu lusozi ni gwaba e ngulu ooti mwosi gwʼetanuulu era olusozi lwonalwona ni lutengeeta ino.

AbʼEbbulaniya 12:26

Ku ludi oweyatumuliire oku Lusozi oSinaayi eigonolye lyatengeeterye ekyalo, neye atyanu yasuubizire ati, “Njiza kwiramu okutengeetya ekyalo, era ku lunu tikyalo kyonkani, neye nʼomwigulu.”

Kubiikula 11:19

EYeekaalu eya Kibbumba eyʼomwigulu ni bagiigulawo, nʼesanduuku eyʼendagaanoye nʼeboneka omu Yeekaaluye. Ni wabbaawo okumesya, nʼamagono, nʼokubbwatuka, nʼomusisi oku kyalo, nʼogwikendi ogunene ogwʼamabbaale ni gugwa.

ABalamuzi 4:14

Awo oDebola nʼakoba oBbalaki ati, “Osetukiremu oyabe! Olwʼokubba lunu niirwo olunaku oMusengwa olwakuweereireku obwezye okuwangula oSisera, oMusengwa dala akukubbembeiremu.” Awo oBbalaki nʼaikirira okuzwa oku lusozi aamo nʼamajeege 10,000.