EZabbuli 68:4 - Bbaibbuli y'oLugwere

⁴ Mwembere oKibbumba, mwembe okuwuuja eriinalye. Mumuwuuje iye oyo atambulira omu bireri. Eriinalye niiye oMusengwa, era mujaagaanire omumaisoge.

EZabbuli 68:4 ပူးပေါင်းရင်းမြစ်များ

EZabbuli 104:3

Oyombeka ekifookyo e kyobbaamu ku maizi agali angulu, osuuca ebireri kigaalikyo ekyʼamaje, nʼotyama oku mpunga nʼakutambulya.

EZabbuli 16:11

Ondagire enzira yʼobwomi. Era olwʼokubba oli na nze wanjizulya eisangaalo. Era nga ndi oku lubba lwʼengaloyo endiiro nʼabba nʼeisangaalo emirembe gyonagyona.

EZabbuli 18:10

Yatyaime oku keruubbi era okeruubbi nʼamuguluca, era empewo nʼemuleeta kafuufu.

EZabbuli 5:12

Ekyo kityo olwʼokubba, Musengwa, owa abatuukirirye enkabi. Ekisaakyo kibakuuma ooti ngabo.

EZabbuli 66:2

Mwembe oku kitiisya kyʼeriinalye, mumuwuuje omu ngeri emuwa ekitiisya.

EZabbuli 66:4

Ekyalo kyonakyona kikusinza, ni bemba okukuwuuja, bemba okuwuuja eriinalyo.”

EZabbuli 67:4

Oleke amawanga gasangaale era gayembe nʼeisangaalo, olwʼokubba ofuga abantu omu bwenkanya, era olungamya amawanga gonagona omu kyalo.

EZabbuli 68:33

Mwembere oyo atyama omwigulu, eryʼeira nʼeira. Muwulire ngʼabbwatuka nʼeigonolye eryʼamaani.

EZabbuli 83:18

Kaisi bategeere bati niiwe oMusengwa, era bati niiwe wenkani oNambulaku aMwagaagana, afuga ekyalo kyonakyona.

EZabbuli 97:11

Ekitangaala kyakira abatuukirirye, nʼeisangaalo libba eeri abʼemyoyo emirongoole.

OKuzwa 3:14

OKibbumba nʼakoba oMusa ati, “NINZE NDI.” Wakoba aBaisirairi oti, “NDI niiye antumire egimuli.”

OKuzwa 6:3

Nabonekeire oIbbulaimu, nʼoIsaka, nʼoYaakobbo, ngʼoKibbumba oWabwezye Bwonabwona. Neye tinabeemanyikisirye nti ninze oMusengwa.

OKuzwa 6:8

Era nalibaingirya omu kyalo ekinalayiire okuwa oIbbulaimu, nʼoIsaka, nʼoYaakobbo. Nalikibawa inywe ni kibba kyanywe. Ninze oMusengwa.’ ”

ENgero 10:28

Eisuubi lyʼabatuukirirye lizwamu eisangaalo; neye okusuubira kwʼababbibabbi, tikuzwamu kantu.

AMateeka 33:26

“Inywe aBaisirairi, mpaawo kibbumba gondi ali ngʼoKibbumba owaanywe, atambulira oku bireri nʼabita omwibbanga naiza okubabbeera, era atambulira oku bireri ngʼali omu kitiisyakye.