EZabbuli 68:34 - Bbaibbuli y'oLugwere

³⁴ Mulangirire obwezye bwa Kibbumba, ekitiisyakye kiwoisya oIsirairi, nʼobwezyebwe buli omwigulu.

EZabbuli 68:34 ပူးပေါင်းရင်းမြစ်များ

EZabbuli 150:1

Muwuuje oMusengwa. Muwuuje oKibbumba omu kifookye ekitukulye; mumuwuuje ngʼali omu kifo kyʼobwezyebwe omwigulu.

EZabbuli 29:4

Eigono lya Musengwa lyʼamaani, era eigono lya Musengwa lyʼentiisya!

AMateeka 33:26

“Inywe aBaisirairi, mpaawo kibbumba gondi ali ngʼoKibbumba owaanywe, atambulira oku bireri nʼabita omwibbanga naiza okubabbeera, era atambulira oku bireri ngʼali omu kitiisyakye.

AMateeka 33:27

OKibbumba atawaawo niiye ekiirukiro kyanywe, era ngalogye egyʼolubeereera niigyo egimpanirira. Yabbinganga abalabe baanywe nga wemutaabaala, nʼakoba ati, ‘Mubajigirice.’

2 Peetero 1:17

Ekyo kityo olwʼokubba iswe twabbairewo ngʼoKibbumba oItewaiswe amuwa ekitiisya era ngʼamugulumalya, eigono oweryazwire omu kitiisya ekyʼamaani, ni limutumulaku liti, “Onu niiye oMwana wange oguntaka eino, era ogunsiima eino.”

Kubiikula 19:6

Tete ni mpulira eigono eriri ngʼeryʼekiyindi ekyʼabantu ekinene, era eriri ngʼokuwolomboga kwʼamaizi amangi, kaisi tete ooti kududula kwa ikendi okubitiriri, nga likoba liti: “Muwuuje oKibbumba, olwʼokubba oMusengwa iye oKibbumba waiswe oWabwezye Bwonabwona niiye afuga.