EZabbuli 68:3 - Bbaibbuli y'oLugwere

³ Neye oleke abo abatuukirirye basangaale, era bajaagaane omumaiso ga Kibbumba, oleke bajaagaane olwʼeisangaalo.

EZabbuli 68:3 ပူးပေါင်းရင်းမြစ်များ

EZabbuli 21:1

Oo Musengwa, okabaka asangaala olwʼokubba omuwa amaani. Ajaagaana, olwʼokumununula.

EZabbuli 32:11

Musangaale era mujaagaane inywe abatuukirirye, olwʼebyo oMusengwa ebyakola. Nywenanywena abamugondera muceere olwʼeisangaalo.

EZabbuli 37:20

Neye ababbibabbi balijigirika. Abalabe ba Musengwa baliwaawo ooti bimuli byʼomu kigona ebikala. Baliwaawo ooti mwosi.

EZabbuli 43:4

Awo kaisi njabe oku kyoto kya Kibbumba, eeri oKibbumba wange iye eisangaalo lyange eribitiriri. Era nakuwuujanga nga nkukubbira otongoli, oo Kibbumba, iwe oKibbumba wange.

EZabbuli 58:10

Abatuukirirye balijaagaana owebalibona okunyaaŋa okwo. Balinaaba ebigere byabwe omu musaaye gwʼababbibabbi.

EZabbuli 64:10

Abatuukirirye bajaagaaniranga omu Musengwa, era ni bairukira egyali okubakuuma. Bonabona abalongoole omu myoyo bamuwuujanga.

EZabbuli 75:4

Nkoba abeepanka nti, ‘Mulekeraawo okwepanka.’ Nʼababbibabbi nti, ‘Mukomye okukubba ebifubba.

EZabbuli 97:12

Inywe abeesiga oMusengwa mujaagaane olwʼebyo ebyakola, era mumuwuuje iye oMutukulye.

AMateeka 12:12

Mwasangaaliranga yeeyo omumaiso ga Musengwa iye oKibbumba waanywe, nga muli aamo nʼabataane baanywe nʼabaala baanywe, nʼabagalama baanywe abasaiza nʼabakali, nʼaBaleevi abali omu bibuga byanywe olwʼokubba ibo tibasunire omugabo ooba omuwuluko ogwabwe-okubwabwe.

1 Abʼe Sesalonika 5:16

Mubbenge basangaali bulijo.

1 Peetero 1:8

Waire oYesu Kurisito nago timumubonangaku neye mumutaka; era waire wona timuli kumubonaku omu kiseera kinu, mumwikiririryamu era mwizwire eisangaalo eribitiriri era eritakobeka.

Kubiikula 18:20

Ni wabbaawo eyakobere ati: “Neye inywe omwigulu musangaale olwʼokubba bakijigiricirye! Inywe abatuukirirye, na inywe abatume nʼabanaabbi musangaale, olwʼokubba oKibbumba akisingisirye omusango olwʼebyo ebikyakolere!”

Kubiikula 19:7

Tusangaale, tujaagaane, era tumuwe ekitiisya, olwʼokubba ekiseera ekyʼobugole obwa Ntaamawe kituukire, era omugolewe yeetegekeire obugole.