EZabbuli 67:7 - Bbaibbuli y'oLugwere

⁷ OKibbumba atuwaire enkabi, oleke abantu omu kyalo kyonakyona bamuwenge ekitiisya.

EZabbuli 67:7 ပူးပေါင်းရင်းမြစ်များ

EZabbuli 22:27

Abantu omu mawanga gonagona balimanya oMusengwa era baligaluka ni baira egyali. Ebika byonabyona omu byalo byonabyona byalimusinza.

EZabbuli 29:11

OMusengwa awa abantube amaani, era abawa enkabi nʼeidembe.

EZabbuli 33:8

Oleke ekyalo kyonakyona kitye oMusengwa, oleke abantu bonabona abʼoku kyalo bamuwe ekitiisya.

EZabbuli 65:5

Oo Kibbumba oMununuli waiswe, otwiramu ngʼokola ebikole ebyʼobutuukirirye ebyentiisya. Abantu bonabona oku kyalo nʼabali oku manyanza agʼe yala bakwesiga niiwe.

EZabbuli 72:17

Oganye eriina lya kabaka balyebukiryenge emirembe gyonagyona, era lyeyongerenge okufuma paka eisana oweryalikomya okwaka. Oganye abantu bonabona basunenge enkabi kubitira mu niiye. Era bamwetenge wʼenkabi.

EZabbuli 98:3

Ayebukiirye okutakakwe okutakoma nʼobwesigwabwe eeri aBaisirairi. Abantu omu kyalo kyonakyona baboine obununuli bwa Kibbumba waiswe.

ABaleevi 26:4

nabawanga oikendi omu biseera ebituuce, eitakali ni libala ebirime, nʼemisaale egyʼomu misiri ni gibala ebineneka byagyo.

Bikole 13:26

“Baganda bange era baizukulu ba Ibbulaimu, na inywe abatali bʼaBayudaaya abasinza oKibbumba, obukwenda bunu obukwata oku kulokoka babutumire eeri niiswe swenaswena.

Bikole 13:47

Nti ekinyere ekyo niikyo oMusengwa ekiyatulagiire okukola oweyakobere ati: ‘Nkulondere obbe ngʼekitangaala ekyaka nʼeeri aBatali Bayudaaya, kaisi obbe kisinde omunabitira okutuuca eeri buli muntu aali oku kyalo, obukwenda obukwata oku ngeri egibayezya okulokoka.’ ”

Bikole 2:28

Ondagire amanzira agendi nʼokukwata kaisi ntuuke omu bwomi. Olwʼokubba oli na nze, wanjizulya eisangaalo.’ ”

Abʼe Galatiya 3:14

OKurisito yatwaire ekiraami ekyo okulwaiswe kaisi enkabi oKibbumba egiyasuubizire oIbbulaimu giize eeri aBatali Bayudaaya olwa Kurisito oYesu, era kaisi olwʼokwikirirya, tusune oMwoyo oMutukulye ogubasuubizire.

Abʼe Galatiya 3:9

Ekyo ni kiraga kiti bonabona abali nʼokwikirirya basunira aamo enkabi nʼoIbbulaimu eyabbaire nʼokwikirirya.

Kubiikula 15:4

Musengwa, naani dala atalikutya era ataliwa eriinalyo ekitiisya! Iwe wenkani niiwe oMutukulye. Abantu abʼamawanga gonagona baliiza ni bakusinza omumaisogo, olwʼokubba ebikolebyo ebyobutuukirirye byeraga mulwatu.”