EZabbuli 67:4 - Bbaibbuli y'oLugwere

⁴ Oleke amawanga gasangaale era gayembe nʼeisangaalo, olwʼokubba ofuga abantu omu bwenkanya, era olungamya amawanga gonagona omu kyalo.

EZabbuli 67:4 ပူးပေါင်းရင်းမြစ်များ

ENtandiika 18:25

Kyabba tikisa okukola otyo, iwe okwita abatuukirirye aamo nʼabakola ebikole ebibbibibbi, era okubitya abatuukirirye nʼabakola ebikole ebibbibibbi omu ngeri efaanana. Era mazima tiwakikola. Aale oMulamuzi wʼekyalo kyonakyona takola ekintu ekituuce?”

EZabbuli 2:8

Onsabe, nʼakuwa amawanga ni gabba busikabwo nʼekyalo kyonakyona ni kibba matwalego.

EZabbuli 82:6

Nkobere nti, ‘Muli bakibbumba,’ nywenanywena muli baana bʼoNambulaku aMwagaagana.

EZabbuli 9:8

Era yaliramula ekyalo mu butuukirirye, yalifuga amawanga gonagona mu bwenkanya.

EZabbuli 96:10

Mukobere amawanga gonagona muti, “OMusengwa afuga.” Yateekere ekyalo omu kifo kyakyo, era tikyezya okuyuugayuugana. Yaliramula abantu mu bwenkanya.

EZabbuli 98:9

Oleke byembere omumaiso ga Musengwa, olwʼokubba aiza okusalira ekyalo omusango. Yalikubbembera abantu mu bwenkanya, era yaliramula abantu nga tiyeekubbira.

Bikole 17:31

Ekyo kityo olwʼokubba yasalirewo olunaku oluyalisaliraku ekyalo kyonakyona omusango omu bwenkanya, okubitira omu muntu iye onyere oguyeerondeire. OKibbumba okukakasa omumaiso gʼabantu bonabona ngʼoyo niiye eyalikola ekyo yalagire na kuzuukiza muntu oyo nago.”

Abʼe Looma 2:5

Neye muli nʼemyoyo emikakanyali egitataka okwenenya, ekyo ni kibazweramu okwereetera oKibbumba okubawa ekibonerezo ekikiraku obukambwe. Ekyo kyalibbaawo ku lunaku lwʼenkomerero olwo oluyaliragiraku obulwabwe eeri abantu, oluzwanyuma lwʼokubasalira omusango anambula kusalirirya.

Abʼe Galatiya 4:27

Bakiwandiikire bati: “Osangaale iwe omugumba era onambula mwana; okubbe olukero olwʼamaani iwe atalumwangaku kubyala. Ekyo kityo olwʼokubba omukali ogubalekerewo, ali nʼabaana bangi okukiraku oyo aali nʼoibaaye.”

AMateeka 32:43

“Inywe amawanga mujaagaanire aamo nʼabantu ba Musengwa, olwʼokubba yalinyaaŋa omusaaye gwʼabaweereryabe; yalikola okunyaaŋa oku balabebe, yaliwaayo omugaito oku lwʼekyalokye nʼabantu.”