EZabbuli 65:4 - Bbaibbuli y'oLugwere

⁴ Wʼenkabi iye oyo ogwolonda nʼomusemberya e gyoli okubbanga omu kifookyo ekitukulye. Twaikutanga ebisa ebyʼomu nyumbayo, ebyʼomu Yeekaaluyo entukulye.

EZabbuli 65:4 ပူးပေါင်းရင်းမြစ်များ

EZabbuli 135:4

Ekyo kityo olwʼokubba oMusengwa yalondere oYaakobbo okubba wuwe, abantu ba Isirairi okubba babe kububwe.

EZabbuli 15:1

Oo Musengwa, naani eyaingiranga omu Weemayo? Naani eyatyamanga oku lusozirwo olutukulye?

EZabbuli 17:15

Neye nze nalibba omumaisogo olwʼokubba tinabbengere omusango. Era nalyesiima owenaliramukira ni nkubona maiso ku maiso.

EZabbuli 23:6

Dala obusaabwo nʼekisaakyo byabbanga na nze enaku gyʼobwomi bwange gyonagyona. Era naabbanga omu nyumba ya Musengwa emirembe nʼemirembe.

EZabbuli 24:7

Inywe amageeti mweigule era na inywe emiryango egyʼeira mweigule, era muganye oKabaka owʼentiisya aingire.

EZabbuli 33:12

Lyʼenkabi eigwanga eriri nʼoKibbumba ogulisinza nga niiye oMusengwa, abantu abo abeyalondere okubba ababe okububwe.

EZabbuli 36:8

Balya ebyokulya ebibitiriri ebyʼomu nyumbayo ni baikuta. Obawa ebyokunywa ebyesiimisya ebyomusuko ooti mwiga ogukulumuka.

EZabbuli 38:5

Amabbwa gange gavundire era gafunya olwʼobusirusiru bwange.

EZabbuli 4:3

Aale mumanye muti oMusengwa ayawiire abatuukirirye okubba babe. Era oMusengwa owemmusaba, anjiramu.

EZabbuli 63:5

Omwoyo gwange gwanogananga ooti muntu aliire ekyokulya ekinoli, era nayembanga nʼeisangaalo okukuwuuja.

EZabbuli 84:4

Bʼenkabi abo ababba omu nyumbayo, nga bakuwuuja bulijo.

AbʼEfeeso 1:4

OKibbumba, nga nʼekyalo bakaali kukibbumba, yabbaire amalire ira okutulonda tubbe bantube nga tuli ekintu ekimo nʼoKurisito, tubbe bantu batukulye, era abanambulaku kyokubanenya omumaiso ga Kibbumba. Olwʼokututaka,

2 Abʼe Sesalonika 2:13

Aboluganda, oMusengwa waiswe abaataka eino, era tusaaniire okwebalya oKibbumba bulijo okulwanywe. Ekyo kityo olwʼokubba oKibbumba yabalondere mubbe bantu abasooka okwikirirya omu kyalo kyanywe, ababbeere omu kubalokola olwʼamaani ga Mwoyo oMutukulye abatukulya olwʼokwikirirya amazima.

Kubiikula 3:12

Oyo awangula amaani ga Sitaani, nalimusuuca muntu owʼekitiisya omu bantu ba Kibbumba ogumpeererya, era tiyaligizwamu. Nalimuwa eriina eriyaaka eriraga liti muntu wa Kibbumba wange, era wʼomu kibuga e Yerusaalemi ekiyaaka, ekiika nga kizwa omwigulu e wa Kibbumba ogumpeererya. Era nalimuwandiikaku eriina lyange eriyaaka okulaga nga muntu owange.