EZabbuli 65:3 - Bbaibbuli y'oLugwere

³ Ebikole byaiswe ebibbibibbi nʼowebitubitiriraku, iwe obitusoniya.

EZabbuli 65:3 ပူးပေါင်းရင်းမြစ်များ

EZabbuli 38:4

Ebibbibibbi byange binzitoowereire, biri ooti mugugu ogutasetulikika.

EZabbuli 40:12

Ekyo kityo olwʼokubba ebigosi ebineeruguuliriirye kibbiiryo, tibibalika. Njizwire ebibbibibbi bingi, tibikaali binjikirirya okubona. Bikiraku enziiri egyʼoku mutwe gwange obungi. Era mpoiremu amaani.

EZabbuli 51:7

Ontukulye okuzwa omu kibbikibbi kyange mbe mulongoole, onnaabye ntukule okukiraku obbalaafu.

EZabbuli 79:9

Oo Kibbumba, omununuli waiswe otubbeere, olwʼekitiisya kyʼeriinalyo. Otununule era otusoniye ebibbibibbi byaiswe olwʼeriinalyo.

Yokaana 1:29

Awo oku lunaku olwairireku, oYokaana nʼabona oYesu ngʼasimba e gyali, kaisi oYokaana nʼakoba ati, “Aale mubone oyo aali ooti Ntaama oMutomuto owa Kibbumba, iye oYesu, oKibbumba oguyalondere okuwaayo ngʼesadaaka okutoolawo ebikole ebibbibibbi ebyʼekyalo.

Abʼe Galatiya 5:17

Ebyo omubiri ebigwegomba birwanagana nʼebyo oMwoyo oMutukulye ebyataka. Kaisi tete ebyo oMwoyo oMutukulye ebyataka, birwanagana nʼebyo omubiri ebigwegomba. Nʼekizwamu, ni muteezya okukola ebyo ebimutaka.

AbʼEbbulaniya 9:14

Neye oKurisito abulaku ekyokumunenya, yeewaireyo nʼafa ngʼesadaaka eeri oKibbumba omu maani ga Mwoyo atawaawo. Aale atyanu omusaayegwe tigwalikirawo ino okunaabya emyoyo gyaiswe nga gutoolawo okuwulira omusango olwʼebikole ebibbibibbi, ni tuweererya oKibbumba onanyere obwomi?

Kubiikula 1:5

Era nʼekisa nʼeidembe ebizwa egiri oYesu Kurisito omujulizi oku bikwata oku bintu oKibbumba ebiyakolere. Era omwesigwa, nʼeyasookere bonabona okuzuukira, era afuga abakabaka abʼoku kyalo. OKurisito oyo atutaka era yatutoire omu bibbibibbi byaiswe oweyafiire okulwaiswe,